Тоҷикистон ба қатори 3 давлати пешсафи ислоҳотгари соҳаи савдо дар минтақаи Аврупо ва Осиёи Марказӣ дохил шуд
ДУШАНБЕ, 20.05.2026 /АМИТ «Ховар»/. Созмони ҳамкории иқтисодӣ ва рушд (OECD) тибқи нашри навбатӣ дар соли 2025 бо назардошти андешидани тадбирҳои мушаххас барои беҳтаршавии муҳити мусоиди савдо Тоҷикистонро ба қатори се давлати пешсафи ислоҳотгар дар минтақаи Аврупо ва Осиёи Марказӣ дар давраи солҳои 2022-2024 дохил намуд. Дар ин хусус АМИТ «Ховар» бо истинод ба Вазорати рушди иқтисод ва савдои Ҷумҳурии Тоҷикистон хабар медиҳад.
Созмони ҳамкории иқтисодӣ ва рушд ҷойгир намудани Тоҷикистонро дар қатори 3 давлати пешсафи ислоҳотгар дар минтақаи Аврупо ва Осиёи Марказӣ ба самти беҳтаршавии муҳити мусоиди савдо бо назардошти амалӣ гардидани тадбирҳои Ҷумҳурии Тоҷикистон доир ба масъалаҳои густариши шаффофияти рақамӣ, коҳиши монеаҳои коғазии расмиёти тиҷорат, сатҳи пайвастшавӣ ба инфрасохтори минтақавӣ, мутобиқат ва устуворӣ ба стандартҳои ҷаҳонӣ марбут донистааст.
Аз ҷумла, дар самти густариши шаффофияти рақамӣ OECD масъалаи такмили маълумоти Портали савдои Тоҷикистонро нисбат ба вазъи соли 2022 назаррасу муваффақ иброз намуда, нақши портали мазкурро барои содироткунандагон ба хотири омӯзиш ва риояи санадҳои меъёрии ҳуқуқӣ абзори муҳим шуморидааст.
Дар таҳлили OECD коҳиши монеаҳои коғазии расмиёти тиҷорат дар давраи солҳои 2022-2024 дар минтақаи Аврупо ва Осиёи Марказӣ ба ҳисоби миёна 3,1 фоиз арзёбӣ гардида, оид ба ин нишондиҳанда дастоварди Тоҷикистон дар сатҳи беш аз 12 фоиз баҳогузорӣ шудааст, ки натиҷаи назаррас барои бартараф намудани монеаҳои наздисарҳадӣ ва расмиёти зиёдатии маъмурӣ ба ҳисоб меравад.
Инчунин Созмони ҳамкории иқтисодӣ ва рушд дар самти мутобиқат ва устуворӣ ба стандартҳои ҷаҳонӣ аз ҷониби кишвар татбиқи тадбирҳои категорияи «С»-и Созишномаи содагардонии расмиёти савдо (ислоҳоте, ки бо назардошти муҳлати харитаи роҳ то соли 2040 кумаки техникӣ талаб мекунанд)-ро барои бартараф намудани фарқияти байни қонунгузорӣ ва амалияи онҳо таъкид намудааст.
Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода иброз намуд, ки бо шарофати сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон солҳои охир гардиши савдои хориҷӣ бо 128 давлати дунё густариш ёфт. Ислоҳоти Тоҷикистон дар самти муҳити мусоиди савдо аз ҷониби ташкилотои бонуфузи байналмилалӣ, аз ҷумла Созмони ҳамкории иқтисодӣ ва рушд (OECD) баланд арзёбӣ гардидааст.
АКС: Вазорати рушди иқтисод ва савдои Ҷумҳурии Тоҷикистон
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
Дар ноҳияи Дӯстӣ ҷамъоварии шолӣ оғоз гардид
