Тоҷикистон ва Бавария ҳамкориро дар самти таҳсилоти касбӣ густариш медиҳанд
ДУШАНБЕ, 01.05.2026. /АМИТ «Ховар»/. Моҳи июни соли 2026 барои шаҳрвандони Ҷумҳурии Тоҷикистон имтиҳони забони олмонӣ аз ҷониби ташкилоти «TELC» баргузор мегардад. Ин иқдом ба шаҳрвандон имкон медиҳад, ки сатҳи дониши забонии худро санҷида барои таҳсил ва фаъолияти меҳнатӣ дар Олмон имконият пайдо намоянд. Чунин иброз гардид зимни вохӯрии Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ ва роҳбари Котиби давлатии Вазорати иқтисод, рушди минтақа ва энергетикаи музофоти Бавария Тобиас Готтхард.
Тавре ба АМИТ «Ховар» аз Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон хабар доданд, 50 шаҳрванде, ки аз ин имтиҳон бо натиҷаи баланд мегузаранд, моҳи августи соли равон барои идомаи таҳсил ва фаъолияти меҳнатӣ ба музофоти Бавария равон карда мешаванд.
Ин ташаббус қадами муҳим дар самти рушди неруи инсонӣ ва баланд бардоштани сатҳи касбияти ҷавонон арзёбӣ мегардад.
Инчунин зимни вохӯрӣ ҷонибҳо масъалаҳои марбут ба мутобиқсозии барномаҳои таълимӣ ба талаботи бозори байналмилалии меҳнат, ташкили даврҳои кӯтоҳмуддати касбомӯзӣ, омӯзиши забонҳои хориҷӣ ва фароҳам овардани шароити мусоид барои муҳоҷирати меҳнатии қонуниро баррасӣ намуданд.
Иброз гардид, ки рушди соҳаи таҳсилоти ибтидоӣ ва миёнаи касбӣ яке аз самтҳои афзалиятноки сиёсати давлатӣ ба шумор рафта, ҷалби таҷрибаи пешқадами давлатҳои пешрафта дар ин самт аҳамияти калидӣ дорад. Чунин вохӯриҳо барои густариши равобити судманди байналмилалӣ заминаи устувор фароҳам меоранд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Имсол дар Тоҷикистон чанд дармонгоҳи нав сохта шуд?
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
