Тоҷикистон ва Туркия ҳамкориро дар соҳаи сайёҳӣ густариш медиҳанд
ДУШАНБЕ, 08.05.2026 /АМИТ «Ховар»/. Имрӯз Раиси Кумитаи рушди сайёҳии назди Ҳукумати Ҷумҳурии Тоҷикистон Ҷамшед Ҷумъахонзода бо Сафири Фавқулода ва Мухтори Ҷумҳурии Туркия дар Ҷумҳурии Тоҷикистон Умут Аҷар, роҳбари Агентии ҳамкорӣ ва ҳамоҳангсозии Туркия (TIKA) дар Ҷумҳурии Тоҷикистон Иброҳим Этҳем Унал ва котиби сеюми Сафорати Ҷумҳурии Туркия Аҳмет Селчук Асланташ вохӯрӣ намуд.
Тавре ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд, дар мулоқот ҷонибҳо масъалаҳои рушди ҳамкории дуҷонибаро дар соҳаи сайёҳӣ, аз ҷумла густариши ҳамкорӣ дар самти рушди сайёҳии кӯҳӣ, экологӣ ва фарҳангӣ, табодули таҷриба, омодасозии кадрҳо, ҷалби сармоягузорӣ ва татбиқи лоиҳаҳои муштарак баррасӣ намуданд.
Инчунин ҷонибҳо масоили ташкили сафарҳои иттилоотӣ барои блогерони самти сайёҳӣ ва намояндагони воситаҳои ахбори оммаи Туркия, баргузор намудани барномаҳои омӯзишӣ ва ҷалби мутахассисони турк барои мубодилаи таҷриба дар соҳаи меҳмондорӣ ва хизматрасонро мавриди баррасӣ қарор доданд.
Дар анҷоми вохӯрӣ ҷонибҳо омодагии худро барои густариши ҳамкории мутақобилан судманд ва таҳкими муносибатҳои дӯстонаи Тоҷикистону Туркия таъкид намуданд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар ноҳияи Мастчоҳ ҷамъоварии ҳосил ва кишти тирамоҳӣ идома дорад
Дар Тоҷикистон истеҳсоли моҳӣ беш аз 5 фоиз зиёд шудааст
ЗАНБӮРИАСАЛПАРВАРӢ. Занбӯрҳо гардолудкунандаи асосии растаниҳо ва дарахтони мевадор мебошанд
Дар ноҳияи Бобоҷон Ғафуров ду зеристгоҳи барқӣ ба истифода дода шуд
Рушди ҳамкории байниминтақавии Хатлону Пенза баррасӣ гардид
Тоҷикистон ҳамкориро дар соҳаи саноат бо вилояти Хуросони Разавии Эрон тақвият медиҳад
Дар вилояти Суғд беш аз 2 ҳазор километр роҳ аз таъмир бароварда шуд
Форуми байналмилалии сармоягузории «Хатлон Инвест-2026» бо иштироки беш аз 30 давлат баргузор шуд
Дар Душанбе симпозиуми ҷамъбастӣ ва форуми муштарак баргузор шуд
Дар шаҳри Норак Фестивали анорпарварон баргузор гардид
Дар Душанбе ҷаласаи Шурои ҳамоҳангсозии роҳбарони хадамоти андози кишварҳои аъзои ИДМ доир шуд
Дар Душанбе конференсияи байналмилалӣ оид ба рушди илм ва истеҳсолоти кишоварзӣ баргузор гардид
