Туҳфаи Президенти Тоҷикистон ба собиқадори Ҷанги дуюми ҷаҳонӣ дар шаҳри Бохтар расонида шуд
ДУШАНБЕ, 07.05.2026 /АМИТ «Ховар»/. Дар партави сиёсати инсондӯстона ва дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон бахшида ба 81-солагии Рӯзи Ғалаба намояндаи Дастгоҳи иҷроияи Президенти Ҷумҳурии Тоҷикистон, Раиси вилояти Хатлон, роҳбарони шаҳри Бохтар ва ноҳияи Кӯшониён ба дидорбинии собиқадори Ҷанги дуюми ҷаҳонӣ Сафаралӣ Файзалиев рафтанд.
Тавре ба АМИТ «Ховар» аз Мақомоти иҷроияи ҳокимияти давлатии вилояти Хатлон хабар доданд, ба Сафаралӣ Файзалиев ба маблағи 50 ҳазор сомонӣ кумакпулии Пешвои миллат муҳтарам Эмомалӣ Раҳмон тақдим карда шуд. Инчунин аз ҷониби Раиси вилояти Хатлон ба маблағи 15 ҳазор сомонӣ ва туҳфаҳои идона супорида шуд.
Иброз гардид, ки собиқадорони Ҷанги дуюми ҷаҳонӣ барои ҳифзи сулҳу озодӣ ва таъмини зиндагии осоиштаи имрӯз хизмати бузург анҷом додаанд ва роҳбарияти давлат ҷоннисориҳои онҳоро ҳамеша қадр менамояд.
Собиқадори ҷанг барои чунин ғамхорӣ ва таваҷҷуҳи пайвастаи Роҳбари давлат изҳори сипосу миннатдорӣ намуда, гуфт, ки қадршиносии собиқадорон нишонаи эҳтиром ба таърих ва корномаи фарзандони Ватан мебошад.
Ҳоло дар шаҳру ноҳияҳои вилояти Хатлон 5 нафар собиқадорони Ҷанги дуюми ҷаҳонӣ (1941–1945) дар қайди ҳаёт мебошанд. Ҳамасола дар арафаи Рӯзи Ғалаба ба онҳо аз ҷониби Президенти Ҷумҳурии Тоҷикистон ва мақомоти иҷроияи ҳокимияти давлатии вилояти Хатлон кумакпулӣ ва туҳфаҳо расонида мешавад.
Таваҷҷуҳ ба собиқадорон, арҷгузорӣ ба хизматҳои таърихии онҳо ва тарбияи насли ҷавон дар руҳияи ватандӯстию худшиносӣ аз ҳадафҳои муҳими сиёсати иҷтимоии давлат ба шумор меравад.
Ёдовар мешавем, ки Пешвои миллат муҳтарам Эмомалӣ Раҳмон ҳамеша таъкид менамоянд, ки пос доштани хизмати собиқадорон қарзи виҷдонии ҳар шаҳрванд аст.
АКС: Мақомоти иҷроияи ҳокимияти давлатии вилояти Хатлон
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
