Ҷумҳурии Тоҷикистон ба Маркази машваратии ҳуқуқии Созмони ҷаҳонии савдо пазируфта шуд
ДУШАНБЕ, 05.05.2026. /АМИТ «Ховар»/. 4 май Ҷумҳурии Тоҷикистон расман ба Маркази машваратии ҳуқуқии Созмони ҷаҳонии савдо (ACWL) пазируфта шуд. Дар ин хусус ба АМИТ «Ховар» аз Сафорати Ҷумҳурии Тоҷикистон дар Конфедератсияи Швейтсария хабар доданд.
Протоколи хамроҳшавии Тоҷикистон ба ин Марказ аз ҷониби Сафири Фавқулода ва Мухтори Ҷумҳурии Тоҷикистон дар Конфедератсияи Швейтсария, Намояндаи доимии Ҷумҳурии Тоҷикистон дар назди Шуъбаи Созмони Милали Муттаҳид ва дигар ташкилоти байналмилалӣ дар Женева Шараф Шерализода ва Директори иҷроияи Маркази машваратии ҳуқуқии Созмони ҷаҳонии савдо Найл Мигер ба имзо расонида шуд.
Ҳамроҳшавӣ ба Маркази машваратии ҳуқуқии Созмони ҷаҳонии савдо қадами муҳим дар самти таҳкими иқтидори ҳуқуқии Ҷумҳурии Тоҷикистон дар низоми тиҷорати байналмилалӣ ба шумор меравад. Ин иқдом ба Тоҷикистон имкон медиҳад, ки аз дастгирии касбии ҳуқуқӣ дар доираи қоидаҳо ва расмиёти Созмони ҷаҳонии савдо (СҶС) баҳраманд гардад.
Дар ин росто Ҷумҳурии Тоҷикистон метавонад дар ҳалли баҳсҳои тиҷоратӣ, таҳияи мавқеъҳои ҳуқуқӣ ва баланд бардоштани сатҳи дониш ва малакаи мутахассисони миллӣ аз кумакҳои техникӣ ва машваратии Марказ истифода намояд.
Бояд таъкид кард, ки Ҷумҳурии Тоҷикистон дуюмин давлати Осиёи Марказӣ мебошад, ки ба ин ниҳод ворид гардидааст.
Маркази машваратии ҳуқуқии Созмони ҷаҳонии савдо соли 2001 бо мақсади пешниҳоди машваратҳои ҳуқуқӣ оид ба қоидаҳои Созмони ҷаҳонии савдо ба кишварҳои камрушд ва дар ҳоли рушд таъсис ёфтааст.
АКС: Сафорати Ҷумҳурии Тоҷикистон дар Конфедератсияи Швейтсария
Дар Теҳрон табодули таҷриба байни мутахассисони соҳаи тибби Тоҷикистон ва Эрон баррасӣ гардид
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
Дар Душанбе аҳаммияти ҳамкории байналмилалӣ барои таъмини рушди устувор баррасӣ гардид
Намояндаи доимии Тоҷикистон бо мудири кулли Дафтари СММ дар Вена мулоқот намуд
Дар Риёз ҳамкорӣ байни Муассисаи давлатии «Тоҷикфилм» ва Комиссияи синамои Арабистони Саудӣ баррасӣ шуд
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
