Ёддошти тафоҳум оид ба ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин ба имзо расид
ДУШАНБЕ, 13.05.2026 /АМИТ «Ховар»/. Ёддошти тафоҳум оид ба ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин барои солҳои 2026-2028 ба имзо расид. Дар ин хусус ба АМИТ «Ховар» аз Ҳизби Халқии Демократии Тоҷикистон хабар доданд.
Ёддошти мазкур 12 май зимни сафари давлатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Ҷумҳурии Мардумии Чин пас аз анҷоми музокироти сатҳи олии Тоҷикистону Чин дар ҳузури Сарони ду давлат имзо гардид.
Ҳадафи ёддошт муайян кардани самтҳои асосии ҳамкорӣ ва механизмҳои ҳамкории амалӣ байни Ҳизби Халқӣ-Демократии Тоҷикистон ва Ҳизби Коммунистии Чин ва таҳкими муносибатҳои дуҷониба дар соҳаҳои гуногун дар давраи солҳои 2026–2028 мебошад.
Дар доираи он ҷонибҳо мубодилаи мунтазами боздиди роҳбарият ва ҳайатҳои коршиносӣ, муҳокимаи муштараки масъалаҳои сиёсӣ ва иҷтимоию иқтисодӣ ва мубодилаи таҷрибаи байниҳизбӣ дар соҳаи идораи давлатӣ ва ҳамкорӣ дар созмонҳои байналмилалиро дастгирӣ менамоянд.
Он инчунин ба пешбурди ташаббусҳо дар соҳаи лоиҳаҳои муштараки иқтисодӣ ва инфрасохторӣ, сармоягузорӣ ба бахшҳои стратегӣ ва рушди ҳамкорӣ дар соҳаи тиҷорати хурду миёна мусоидат менамояд.
Дар доираи ин ёддошт ҷонибҳо мубодилаи таҷрибаро дар омодасозии кадрҳои ҳизбӣ, семинарҳои муштарак, тренингҳо ва барномаҳои таълимӣ, инчунин ташаббусҳои ҷавонон ва масоили гендерӣ дастгирӣ менамоянд.
Ҳамзамон ҷонибҳо баргузории чорабиниҳои фарҳангӣ, маърифатӣ ва иттилоотӣ аз ҷониби созмонҳои дахлдор, табодули таҷриба дар соҳаи воситаҳои ахбори омма, кори идеологӣ, коммуникатсияи ҷамъиятӣ ва рушди барномаҳои омӯзиши забонҳо ва анъанаҳои фарҳангиро дастгирӣ хоҳанд кард.
Ёддошти мазкур дорои хусусияти чорчӯбавӣ буда, шарикии стратегии тарафҳоро барои солҳои 2026–2028 муайян менамояд. Он аз санаи имзо шудан ба расмият даромада, то 31 декабри соли 2028 эътибор дорад.
АКС: Ҳизби Халқии Демократии Тоҷикистон
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
«ПЕШВОИ МИЛЛАТ – ТАШАББУСКОР ВА ТАҲКИМБАХШИ СУЛҲУ ВАҲДАТИ ҶАҲОНӢ». Дар Душанбе конференсияи ҷумҳуриявӣ баргузор шуд
ОГОҲӢ! Аз 19 то 22 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
ҚОНУНИ АВФ. Давлат ба ҳазорон шаҳрванд имконият медиҳад ба назди оилаҳои худ баргашта, ҳуқуқи худро ба зиндагии арзанда амалӣ созанд
Дар Душанбе оид ба тамоюлҳои рушди маориф дар давлатҳои ИДМ конфронси байналмилалӣ баргузор шуд
Дар ноҳияи Фирдавсӣ барои фаъолони ҳизб машғулияти омӯзишӣ доир гардид
Дар доираи лоиҳаи идоракунии раванди обшавии пиряхҳо ба Агентии обуҳавошиносӣ таҷҳизоти муосир дастрас карда шуд
