35-СОЛАГИИ ИСТИҚЛОЛИ ДАВЛАТӢ. Дар Рашт ду муассисаи томактабӣ ва Маркази ҷавонон ба истифода дода шуд
РАШТ, 05.06.2026 /АМИТ «Ховар»/. Бахшида ба ҷашни 35-солагии Истиқлоли давлатӣ дар ноҳияи Рашт 2 кӯдакистон ва Маркази ҷавонон ба истифода дода шуд. Муассисаҳои томактабӣ дар деҳаҳои Навдӣ ва Бедак бо дастгирии мақомоти иҷроияи ҳокимияти давлатии ноҳия ва саҳми соҳибкрону сокинон бунёд гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Рашт хабар доданд.
Дар муассисаҳои томактабӣ беҳтарин шароити таълиму тарбия барои кӯдакон муҳайё шудааст.
Ҳамчунин дар Ҷамоати деҳоти Навдӣ бо саҳми соҳибкорону сокинони ноҳия барои наврасону ҷавонон бинои Маркази ҷавонон сохта, ба истифода дода шуд, ки дар он наврасону ҷавонон ба варзишу бозиҳои шашкаю шоҳмот вақти холигии худро мегузаронанд.
Раиси ноҳияи Рашт Зарина Идизода зимни ифтитоҳи иншоот ба ин иқдоми ватандӯстонаи соҳибкорон ва шахсони саховатпеша изҳори сипос намуда, иброз дошт, ки бунёди муассисаҳои томактабӣ ва Маркази ҷавонон барои фароҳам овардани шароити мусоиди таълиму тарбия, рушди маънавию зеҳнии кӯдакон ва ташкили фароғати судманди ҷавонон аҳамияти калон дошта, дар татбиқи ҳадафҳои давлату Ҳукумат барои дастгирии насли наврас нақши муҳим дорад.
Бахшида ба истиқболи сазовори ҷашни 35-солагии Истиқлоли давлатӣ дар ноҳияи Рашт бунёду навсозии 404 иншоот ба нақша гирифта шудааст. То имрӯз зиёда аз 300 иншооти аҳамияти гуногундошта дар ноҳия мавриди истифода қарор гирифтааст. Айни замон корҳои сохтмонӣ дар 106 иншоот идома дошта, дар 20 иншооти дигар корҳои сохтмонӣ имсол оғоз мегардад.
АКС: Мақомоти иҷроияи ҳокимияти давлатии ноҳияи Рашт
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
СОЛИ ОБОДОНИЮ СОЗАНДАГӢ. Дар ноҳияи Ёвон мумфаршкунии роҳҳои маҳаллӣ идома дорад
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
