Ҷаласаи 8-уми Комиссияи муштараки ҳамкории тиҷоратӣ, иқтисодӣ ва илмӣ-техникии Тоҷикистон ва Покистон баргузор шуд

ДУШАНБЕ, 02.06.2026 /АМИТ «Ховар»/. Имрӯз дар шаҳри Душанбе ҷаласаи 8-уми Комиссияи муштараки ҳамкории тиҷоратӣ, иқтисодӣ ва илмӣ-техникии Ҷумҳурии Тоҷикистон ва Ҷумҳурии Исломии Покистон баргузор гардид, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.

Дар ҷаласа масъалаҳои марбут ба ҳамкории дуҷонибаи иқтисодӣ дар бахшҳои гуногун, аз ҷумла тиҷоратӣ, сармоягузорӣ, кишоварзӣ, энергетика, маориф, бонкдорӣ, илму технология, сайёҳӣ, сиёсати ҷавонон, варзиш, нақлиёт ва коммуникатсия баррасӣ гардиданд.

Таъкид шуд, ки натиҷаҳои ҷаласаи 8-уми Комиссияи муштарак барои боз ҳам таҳким бахшидани ҳамкории судманд, фароҳам овардани заминаи мусоид ҷиҳати татбиқи тарҳҳои нави муштарак ва муайян намудани самтҳои нави ҳамкорӣ байни ду давлат мусоидат хоҳад намуд.

АКС: Вазорати энергетика ва захираҳои оби Ҷумҳурии Тоҷикистон