Ба истиқболи 35-солагии Истиқлоли давлатӣ нахустнамоиши «Бобоҷон Ғафуров» пешкаши тамошобинон мегардад
ДУШАНБЕ, 04.06.2026 /АМИТ «Ховар»/. Театрҳои мамлакат ба истиқболи 35-солагии Истиқлоли давлатии Ҷумҳурии Тоҷикистон омодагӣ мебинанд. Бо ин мақсад дар Театри ба номи Муҳаммадҷон Қосимов рӯзҳои наздик нахустнамоиши «Бобоҷон Ғафуров» пешкаши тамошобинон гардонида мешавад. Дар ин хусус ба АМИТ «Ховар» аз Театри ба номи Муҳаммадҷон Қосимов хабар доданд.
Намоиш ба ҳаёт ва фаъолияти яке аз фарзандони барҷастаи миллат, Қаҳрамони Тоҷикистон Бобоҷон Ғафуров бахшида шудааст. Асар бар пояи ҳуҷҷатҳои таърихӣ, номаҳо ва дигар сарчашмаҳои воқеӣ офарида шуда, тамошобинро ба даврае мебарад, ки сарнавишти миллат ва ҳувияти таърихии тоҷикон дар маркази баҳсу муборизаҳои сиёсӣ қарор дошт.
Коргардон ва ҳаммуаллифи намоишнома, омӯзгори Донишкадаи давлатии фарҳанг ва санъати Тоҷикистон Абдулҳафиз Қодирӣ мебошад.
Ба гуфтаи эҷодкорон, ҳадафи асар танҳо бозгӯии зиндагиномаи як шахсияти таърихӣ нест, балки ошно намудани насли ҷавон бо инсонест, ки барои ҳифзи хотираи таърихӣ ва таҳкими худшиносии миллӣ хизматҳои арзишманд анҷом додааст.
Бисёриҳо номи Бобоҷон Ғафуровро аз овони кӯдакӣ шунидаанд, аммо на ҳама медонанд, ки чӣ гуна ӯ дар шароити мураккаби замони худ барои ҳимояи таърих ва фарҳанги тоҷикон талош кардааст. Намоишнома кӯшиш мекунад маҳз ҳамин саҳифаҳои камшинохтаи зиндагии ӯро рӯйи саҳна зинда гардонад.
Масъулони театр иброз медоранд, ки яке аз ҷанбаҳои ҷолиби намоиш он аст, ки рӯйи саҳна як галереяи зиндаи шахсиятҳои бузурги тоҷик шакл мегирад.
Тавре директори театр Фирдавс Қосимов иброз дошт: «Дар канори Бобоҷон Ғафуров тамошобинон образҳои Мирсаид Миршакар, Садриддин Айнӣ, Муҳаммадҷон Қосимов, Мирзо Турсунзода ва Туҳфа Фозиловаро низ хоҳанд дид. Яъне, асар тамошобинро ба муҳити фарҳангиву илмии даврае мебарад, ки дар он сарнавишти миллат ва ҳувияти тоҷикон шакл мегирифт».
АКС: Театри ба номи Муҳаммадҷон Қосимов
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
Дар Панҷакент иншооти иҷтимоӣ ва хизматрасонӣ ифтитоҳ гардиданд
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
