Бахшида ба Рӯзи Ваҳдати миллӣ дар Донишгоҳи байналмилалии сайёҳӣ ва соҳибкории Тоҷикистон ҳамоиши илмӣ баргузор шуд
ДУШАНБЕ, 04.06.2026 /АМИТ «Ховар»/. Бахшида ба 29-умин солгарди Ваҳдати миллӣ дар Донишгоҳи байналмилалии сайёҳӣ ва соҳибкории Тоҷикистон таҳти унвони «Ваҳдати миллӣ — шоҳкориҳои Пешвои миллат» ҳамоиши илмию назариявӣ баргузор гардид, иттилоъ медиҳад АМИТ «Ховар» бо истинод ба ин донишгоҳ.
Дар ҳамоиш Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода оид ба нақши сарнавиштсози ваҳдати миллӣ дар таърихи Тоҷикистони соҳибистиқлол ва маҳз бо шарофати он ба таври бесобиқа рушд ёфтани Тоҷикистон сухан намуд.
Гуфта шуд, ки ислоҳоти ҷиддии иқтисодие, ки давлат ва Ҳукумат дар давраи истиқлолияти миллии Тоҷикистон пеш гирифт, маҳз дар вазъияти сулҳу осоиш ва фазои ҳамдигарфаҳмӣ ба амал омад. Ба даст овардани ризоияти миллӣ бори дигар собит намуд, ки роҳи пешгирифтаи Президенти Ҷумҳурии Тоҷикистон- меъмори кохи ваҳдати миллӣ муҳтарам Эмомалӣ Раҳмон дуруст ва бебозгашт аст.
Дар ҳамоиш муовини якуми раиси Ҳизби Халқии Демократии Тоҷикистон Маликшо Неъматзода доир ба ваҳдати миллӣ сухан намуд.
Иброз гардид, ки бо ба даст овардани ваҳдати миллӣ ва истиқрори сулҳу осоиштагӣ дар мамлакат комёбиҳои назаррас дар ҳама равандҳои иқтисодиву фарҳангӣ таъмин гардид. Дар ин баробар, мавқеи давлати мо дар миқёси байналхалқӣ тақвият ёфт. Эътирофи сиёсати дохиливу хориҷии Тоҷикистон аз ҷониби давлатҳои ҷаҳон, дастгирии ташаббусҳои байналхалқии мамлакати мо ва торафт афзудани ҳаҷми сармоягузориҳои берунӣ ба иқтисодиёти ҷумҳурӣ боз як далели равшан аз хидматҳои Президенти Тоҷикистон муҳтарам Эмомалӣ Раҳмон мебошанд.
Таъкид гардид, ки таҷлили чунин санаҳо таърихӣ дар мавриди ҳифзи хотираи таърихӣ мавқеи хос дошта, дар таҳкими ҳувияти миллӣ нақши муҳим мебозад.
АКС: Донишгоҳи байналмилалии сайёҳӣ ва соҳибкории Тоҷикистон
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
Дастовардҳои Тоҷикистон дар рушди сайёҳии экологӣ дар Боку муаррифӣ гардид
ЭМОМАЛӢ РАҲМОН – ПЕШВОИ ВАҲДАТОФАР! Ба қадри неъмати бебаҳо – Ваҳдати миллӣ бирасем
Дар Донишгоҳи байналмилалии сайёҳӣ ва соҳибкории Тоҷикистон неругоҳи офтобӣ бо иқтидори 150 кВт ба истифода дода шуд
Дар Донишгоҳи давлатии Кӯлоб оид ба нақши Ваҳдати миллӣ дар ташаккули ҷомеаи шаҳрвандӣ ҳамоиш баргузор шуд
Дар Донишгоҳи миллии Тоҷикистон маҷаллаи нави илмии байналмилалӣ «Дипломатияи тоҷик» таъсис ёфт
Сарвари давлат Эмомалӣ Раҳмон дар ноҳияи Ховалинг Деҳкадаи сайёҳиро ифтитоҳ намуданд
Ҷаласаи даҳуми вазирони маорифи давлатҳои аъзои Созмони ҳамкории Шанхай доир гардид
Дар шаҳри Душанбе масъалаи воридсозии зеҳни сунъӣ ба таҳсилоти умумӣ баррасӣ шуд
Бо мақсади муаррифии бештари имконияти сайёҳии шаҳри Душанбе лоиҳаи инноватсионии «QR-роҳнамо» таҳия гардид
Ҷаласаи Шурои ҳамоҳангсозии фаъолият дар соҳаи сайёҳӣ баргузор гардид
