Беш аз ду километр роҳи деҳаи Ниликони ноҳияи Рӯдакӣ мумфарш гардид
РӮДАКӢ, 24.06.2026 /АМИТ «Ховар»/. Бахшида ба ҷашни Ваҳдати миллӣ ва эълон гардидани Соли вусъат додани корҳои ободонию созандагӣ ва тақвияту таҳкими худшиносию худогоҳии миллӣ (2026) роҳи деҳаи Ниликони Ҷамоати деҳоти Роҳатии ноҳияи Рӯдакӣ ба масофаи беш аз ду километр мумфарш карда шуд. Дар ин хусус ба хабарнигори минтақавии АМИТ «Ховар» аз Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Корҳои тахту ҳамворкунӣ ва мумфаршкунӣ роҳ аз ҳисоби сокинони деҳа ва соҳибкорон ба маблағи як миллион сомонӣ ба анҷом расонида шуд. Ҳамчунин сокинони бонанги деҳаи Ниликон соли гузашта ба масофаи 4 километр роҳи дигари ҳамин деҳаро бетонпӯш карда буданд.
Раиси Ҷамоати деҳоти Роҳатӣ Суҳроб Забиров иброз дошт, ки «чунин иқдоми созанда бо иштироки сокинону соҳибкорон сол то сол вусъат ёфта, мо тавонистем як қатор корҳои ободониро амалӣ намоем. Аз ҷумла, дар доираи ҷашни 35-солагии Истиқлоли давлатӣ даҳо километр роҳҳои байни деҳавиро мумфарш намудем ва бетонпӯш намудани роҳҳои ҳудуди деҳаҳои ҷамоат давом дорад».
Имрӯзҳо корҳои ободониву бунёдкорӣ дар Ҷамоати деҳоти Роҳатӣ дар партави сиёсати созандаву бунёдкоронаи Президенти ҷумҳурӣ муҳтарам Эмомалӣ Раҳмон идома дошта, сокинони он ҷашни 35-солагии Истиқлоли давлатиро дар сатҳи баланд истиқбол менамоянд.
АКС: Мақомоти иҷроияи ҳокимияти давлатии ноҳияи Рӯдакӣ
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
