Дар Бонки миллӣ дар доираи омодагӣ ба даври сеюми баҳодиҳии мутақобилаи Гурӯҳи Авруосиё оид ба МҚД/МТ ҳамоиш баргузор шуд
ДУШАНБЕ, 15.06.2026 /АМИТ «Ховар»/. Тоҷикистон ба марҳилаи муҳими омодагӣ ба баҳодиҳии мутақобила ворид гардидааст, ки он 3 августи соли 2026 расман оғоз меёбад. Дар доираи он ҷумҳурӣ бояд саволномаи мутобиқати техникӣ ва баъдан нишондиҳандаҳои самаранокии низоми миллиро пешниҳод намояд. Чунин иброз намуд Директори департаменти мониторинги молиявии назди Бонки миллии Тоҷикистон Ҳалим Мирзоалиев дар ҳамоиши муштараки омӯзишӣ, ки дар доираи омодагӣ ба даври сеюми баҳодиҳии мутақобилаи Ҷумҳурии Тоҷикистон аз ҷониби Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм (ГАО МҚД/МТ) дар шаҳри Душанбе баргузор гардид.
АМИТ «Ховар» бо истинод ба Бонки миллии Тоҷикистон иттилоъ медиҳад, ки ҳамоиш бо ташаббуси Котиботи Гурӯҳи Авруосиё ва дастгирии Маркази байналмилалии омӯзишӣ-методии мониторинги молиявии Федератсияи Русия гузаронида шуда, самташ ба баланд бардоштани сатҳи омодагии намояндагони ҷумҳурӣ – гурӯҳи коршиносони миллӣ аз мақомоти давлатӣ, аз ҷумла мақомоти ҳифзи ҳуқуқ ва суд, сохторҳои назоратӣ, бахши молиявӣ ва ғайримолиявии хусусӣ равона гардид.
Иштирокдорон мувофиқи самтҳои фаъолияти худ дар машғулияту муҳокимарониҳо иштирок намуданд, ки дар онҳо масъалаҳои баҳодиҳии хавфҳо ва самаранокии низоми назоратӣ дар ҳамбастагӣ бо намояндагони мақомоти назоратӣ баррасӣ гардид.
Дар ҳамоиш таваҷҷуҳ ба истифодаи иттилооти иктишофи молиявӣ, тафтиши ҷиноятҳо ва механизмҳои мусодира ва баргардонидани дороиҳои ҷиноятӣ, масъалаҳои ҳамкории бахши хусусӣ бо мақомоти давлатӣ ва чораҳои пешгирикунанда равона шуд.
Дар ҳамоиш методологияи FATF -Гурӯҳи кории молиявӣ оид ба шустушӯи пул ва талаботи даври сеюми баҳодиҳии мутақобила мавриди омӯзиш қарор гирифта, ба ин васила масъалаҳои баҳодиҳии хавфҳо, ҳамкории миллӣ ва байналмилалӣ, фаъолияти мақомоти назоратӣ, самаранокии тафтишот ва таъқиби ҷиноятҳо, инчунин мусодира ва баргардонидани дороиҳои ҷиноятӣ таваҷҷуҳи махсус дода шуд.
Ҳамоиш ба таҳкими ҳамоҳангии байниидоравӣ, баланд бардоштани омодагии амалии мақомоти давлатӣ ва бахши хусусӣ, ҳамчунин тақвияти низоми миллии муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм, маблағгузории паҳнкунии силоҳи қатли ом мусоидат менамояд.
АКС: Бонки миллии Тоҷикистон
Ҳамкории вилояти Суғд бо ширкатҳои чинӣ густариш меёбад
НИШАСТИ МАТБУОТӢ. Молу маҳсулоти Тоҷикистон дар 17 намоишгоҳи дохилию байналмилалӣ муаррифӣ гардид
Дар Тоҷикистон дар беш аз 3 ҳазор гектар ҷангалзор бунёд ва барқарор карда шуд
Дар доираи Барномаи давлатии рушди соҳаи геология 259 кони дорои захираҳои саноатӣ ба қайд гирифта шуд
ҲУКУМАТИ ЭЛЕКТРОНӢ ВА ҲУКУМАТИ РАҚАМӢ. Мулоҳизаҳо оид ба фарқияти он
Дар Душанбе масоили таҳкими ҳамкории институтсионалӣ бо Агентии TIKA баррасӣ гардид
ҚУРБИ АСЪОР: 1 евро аз 10.5000 то 10.5727 сомонӣ муқаррар шудааст
Дар Хатлон масоили рушди ҳамкории сармоягузорӣ ва боғдорӣ баррасӣ гардид
НИШАСТИ МАТБУОТӢ. Ҳаҷми истеҳсоли неруи барқ дар неругоҳҳо ва марказҳои барқу гармидиҳии ҶСК «Барқи Тоҷик» беш аз 8 миллиард кВт-соатро ташкил дод
Таҷриба ва ташаббусҳои Тоҷикистон оид ба рушди иқтисоди рақамӣ дар ҷаласаи сатҳи баланди кишварҳои рӯ ба тараққии маҳсур дар хушкӣ (LLDCs) муаррифӣ шуд
НИШАСТИ МАТБУОТӢ. Дар озмоишгоҳҳои «Тоҷикстандарт» чӣ миқдор маҳсулоти ғайристандартӣ ошкор гардид?
НИШАСТИ МАТБУОТӢ. Кумитаи хоҷагии манзилию коммуналӣ ба истифодабарандагон ба маблағи беш аз 62 миллион сомонӣ хизмат расонидааст
