Дар дидбонгоҳи гумрукии «Фотеҳобод» айвони нав барои таҳкими назорати гумрукӣ ба истифода дода шуд
ДУШАНБЕ, 01.06.2026 /АМИТ «Ховар»/. Дар дидбонгоҳи гумрукии «Фотеҳобод»-и Раёсати минтақавии гумрукӣ дар вилояти Суғд айвони нав (ангар) ба истифода дода шуд, иттилоъ медиҳад АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон.
Тибқи иттилои манбаъ, айвон дар доираи ҳамкорӣ байни Хадамоти гумруки назди Ҳукумати Ҷумҳурии Тоҷикистон ва Дафтари минтақавии Созмони Милали Муттаҳид оид ба маводи мухаддир ва ҷинояткорӣ (UNODC) дар чаҳорчӯби Барномаи ҷаҳонии назорати мусофирон ва боркашонӣ бунёд гардидааст.
Дар маросими ба истифода додани ин иншоот, муовини якуми сардори Хадамоти гумруки назди Ҳукумати Ҷумҳурии Тоҷикистон Азим Турсунзода, намояндаи минтақавии UNODC дар Афғонистон, Осиёи Марказӣ, Эрон ва Покистон Оливер Штолпе, намояндагони созмонҳои байналмилалӣ ва кормандони мақомоти гумрук иштирок намуда, бо инфрасохтор ва фаъолияти дидбонгоҳи гумрукии «Фотеҳобод» шинос шуданд.
Гуфта шуд, ки айвони нав барои беҳтар намудани шароити гузаронидани назорати гумрукӣ, баланд бардоштани самаранокии муоинаи борҳо ва таҳкими иқтидори инфрасохтории дидбонгоҳи гумрукӣ, ки дар яке аз қитъаҳои муҳими сарҳади давлатӣ ҷойгир аст, мусоидат хоҳад кард.
Инчунин бо маблағгузории буҷети давлатӣ ва дастгирии Агентии инноватсия ва технологияҳои рақамии назди Президенти Ҷумҳурии Тоҷикистон дар ин гузаргоҳ таҷҳизоти муосири рентгении назорати гумрукӣ насб гардида, корҳои ҷорӣ оид ба татбиқи барномаҳои идоракунӣ идома доранд. Истифодаи ин таҷҳизот ба баланд бардоштани самаранокии назорати гумрукӣ, суръат бахшидани раванди барасмиятдарории молу воситаҳои нақлиёт ва таъмини амнияти иқтисодии давлат мусоидат менамояд.
Ба иштирокчиён оид ба фаъолияти дидбонгоҳи гумрукии «Фотеҳобод», нақши он дар таъмини савдои қонунии байналмилалӣ, инчунин пешгирӣ ва ошкор намудани интиқоли ғайриқонунии молҳо, воситаҳои нашъадор ва дигар ашёи мамнуъ тавассути сарҳади давлатӣ маълумот пешниҳод гардид.
АКС: Хадамоти гумруки назди Ҳукумати Ҷумҳурии Тоҷикистон
Смартфон бо манфиат: чӣ тавр метавон кӯдакро ҳар рӯз инкишоф дод
Имрӯз дар баъзе ноҳияҳои Тоҷикистон борони кӯтоҳмуддат меборад
«Барномаи ҳифзи ҳуқуқи кӯдак дар Ҷумҳурии Тоҷикистон барои солҳои 2026-2030» баррасӣ гардид
Дар ноҳияи Абдураҳмони Ҷомӣ нақшаи истеҳсоли пилла иҷро шуд
БАРНОМАИ РУШДИ ЗАБОНИ ДАВЛАТӢ. Дар муассисаҳои шаҳри Кӯлоб санҷишу вохӯриҳо баргузор шуданд
Имрӯз дар Тоҷикистон ҳаво то 30+36 дараҷа гарм мешавад
Доир ба аҳамияти ташаббусҳои Пешвои миллат дар эҳёи адолати таърихӣ ва таҳкими давлатдории миллӣ ҳамоиш баргузор шуд
Кишоварзони ноҳияи Абдураҳмони Ҷомӣ дар 8100 гектар пунбадона кишт намуданд
Имрӯз дар шаҳру ноҳияҳои Тоҷикистон ҳавои камабри бебориш пешгӯӣ мешавад
Рӯзҳои фарҳанги Федератсияи Русия дар Ҷумҳурии Тоҷикистон ба анҷом расиданд
Имрӯз дар шаҳру ноҳияҳои Тоҷикистон ҳавои камабри бебориш пешгӯӣ мешавад
Дар ноҳияи Шаҳринав толори хурди варзишии футбол ба истифода дода шуд
