Дар Форуми сармоягузории СҲШ имкониятҳои сармоягузории Тоҷикистон муаррифӣ гардид
ДУШАНБЕ, 25.06.2026 /АМИТ «Ховар»/. Созмони ҳамкории Шанхай ҳамчун яке аз ниҳодҳои муҳими минтақавӣ барои таҳкими ҳамкории иқтисодиву сармоягузорӣ, рушди тиҷорати мутақобила ва густариши шарикии стратегӣ байни давлатҳои аъзо нақши муҳим дошта, истифодаи самараноки имкониятҳои мавҷуда барои ҷалби сармоя, рушди инфрасохтор, татбиқи лоиҳаҳои муштараки истеҳсолӣ ва тақвияти робитаҳои байни соҳибкорону сармоягузорон муҳим арзёбӣ мегарадад. Ин нуктаро Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода дар Форуми сармоягузории Созмони ҳамкории Шанхай, ки таҳти унвони «25 соли фаъолияти СҲШ: якҷоя ба сӯи сулҳи устувор, рушд ва шукуфоӣ» дар Бишкек баргузор гардид, иброз намуд. Дар ин хусус АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ медиҳад.
Дар форум имкониятҳо ва афзалиятҳои сармоягузории Ҷумҳурии Тоҷикистон муаррифӣ гардида, оид ба ислоҳоти иқтисодӣ, беҳтар намудани фазои сармоягузорӣ ва тадбирҳои Ҳукумати Ҷумҳурии Тоҷикистон барои дастгирии сармоягузорон маълумоти муфассал пешниҳод карда шуд.
Дар ҳошияи чорабинӣ раиси кумита бо роҳбарону намояндагони мақомоти бахши иқтисодӣ ва сармоягузории давлатҳои аъзои Созмони ҳамкории Шанхай мулоқотҳои дуҷониба анҷом дода, зимни онҳо масъалаҳои таҳкими ҳамкории иқтисодӣ, ҷалби сармояи мустақим ва татбиқи лоиҳаҳои нави муштарак дар бахшҳои афзалиятноки иқтисодиёт баррасӣ шуданд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Исломиддин Раҳмон: «Яке аз вазифаҳои олии стандартизатсия ҳифзи ҳаёт ва саломатии инсон мебошад»
Тоҷикистон ва Ҷопон бунёди пули нав аз болои дарёи Кофарниҳонро баррасӣ намуданд
Пагоҳ дар Душанбе Форуми соҳибкории «Тоҷикистон, ба пеш!» оғоз меёбад
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
Дурнамои тақвияти ҳамкории Тоҷикистон ва Австрия баррасӣ гардид
Сардори Хадамоти зиддиинҳисории Тоҷикистон дар ҷаласаи Шурои машваратӣ оид ба ҳимояи ҳуқуқи истеъмолкунандагон иштирок намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар Душанбе истифодаи таҷрибаи пешқадами байналмилалӣ дар соҳаи кишоварзӣ баррасӣ гардид
Дар Душанбе ҷаласаи 10-уми Гурӯҳи кории махсуси СҲШ оид ба мусоидат ба сармоягузорӣ доир гардид
