Дар Коллеҷи омори шаҳри Ваҳдат ба муносибати қабули ташаббуси навбатии ҷаҳонии Тоҷикистон ҳамоиши илмӣ баргузор шуд
ДУШАНБЕ, 29.06.2026 /АМИТ «Ховар»/. Имрӯз дар Муассисаи давлатии таълимии «Коллеҷи омори шаҳри Ваҳдат» таҳти унвони «Даҳсолаи байналмилалии сулҳ ба хотири наслҳои оянда — иқдоми таърихии Тоҷикистон барои ояндаи башарият» ҳамоиши илмӣ баргузор гардид.
Директори Муассисаи давлатии таълимии «Коллеҷи омори шаҳри Ваҳдат» Исломбек Зоирзода иброз намуд, ки ташаббуси навбатии Тоҷикистон идомаи мантиқии сиёсати сулҳпарварона ва башардӯстонаи Роҳбарияти олии мамлакат ба ҳисоб рафта, боз як қадами муҳими кишвар дар самти таҳкими сулҳу суботи ҷаҳонӣ мебошад.
Таъкид гардид, ки Ҷумҳурии Тоҷикистон бо роҳбарии Пешвои миллат муҳтарам Эмомалӣ Раҳмон дар арсаи байналмилалӣ ҳамчун кишвари ташаббускор ва ҷонибдори ҳалли масъалаҳои глобалӣ шинохта шудааст.
Қабули Қатъномаи Созмони Милали Муттаҳид оид ба эълони «Даҳсолаи байналмилалии сулҳ ба хотири наслҳои оянда» аҳамияти бузурги таърихӣ дошта, барои таҳкими фарҳанги сулҳ, ҳамдигарфаҳмӣ ва ҳамкории байни давлатҳо заминаи мусоид фароҳам меорад.
Зимни ҳамоиш иштирокчиён оид ба нақши сулҳу ваҳдат дар рушди давлатдорӣ, аҳамияти ташаббусҳои ҷаҳонии Тоҷикистон, саҳми ҷавонон дар ҳифзи арзишҳои сулҳ ва ҳамдигарфаҳмӣ маърузаҳои илмӣ намуданд.
Иброз гардид, ки сулҳ ва субот аз ҷумлаи арзишҳои муҳимтарини башарият ба шумор рафта, ташаббуси Тоҷикистон барои эълони «Даҳсолаи байналмилалии сулҳ ба хотири наслҳои оянда» метавонад дар таҳкими ҳамкории ҷомеаи ҷаҳонӣ ва эҷоди ояндаи устувор нақши муассир гузорад.
Пас аз анҷоми ҳамоиш бо ҷонибдорӣ аз сиёсати сулҳҷӯёна ва ифтихорофари Президенти Ҷумҳурии Тоҷикистон муҳтарам Эмомалӣ Раҳмон аз ҷониби омӯзгорону кормандони Коллеҷи омори шаҳри Ваҳдат роҳпаймоии осоишта баргузор гардид.
Иштирокчиёни роҳпаймоӣ бо шиору навиштаҷот ҷонибдории худро аз ташаббусҳои созандаи Ҷумҳурии Тоҷикистон дар самти таҳкими сулҳи ҷаҳонӣ иброз намуданд.
АКС: Муассисаи давлатии таълимии «Коллеҷи омори шаҳри Ваҳдат»
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
