Дар марказҳои таълимии шаҳри Кӯлоб аз рӯи 52 касбу ихтисос мутахассис омода карда мешавад
ДУШАНБЕ, 30.06.2026 /АМИТ «Ховар»/. Дар филиалҳои Муассисаи давлатии «Маркази рушди ҳунармандӣ ва малакаҳои касбии муосир» ва Корхонаи воҳиди давлатии «Маркази омӯзиши модулии шаҳри Душанбе» дар шаҳри Кӯлоб барои тайёр намудани мутахассисон аз рӯи 52 касбу ихтисос имконият фароҳам оварда шудааст. Дар ин хусус ба АМИТ «Ховар» аз Вазорати меҳнат, муҳоҷират ва шуғли аҳолии Ҷумҳурии Тоҷикистон хабар доданд.
Иттилоъ дода шуд, ки дар ин марказҳо шаҳрвандон метавонанд аз рӯйи ихтисосҳои гуногуни мутобиқ ба талаботи бозори меҳнат, аз ҷумла таъмиргарони мошинҳои сабукрав, телефонҳои мобилӣ, инчунин дӯзанда, пазанда ва дигар касбу ҳунарҳои серталаб таҳсил намуда, соҳиби малакаи касбӣ гарданд.
Рушди соҳаи саноат дар шаҳри Кӯлоб ва таъсиси корхонаҳои нави истеҳсолӣ талаботро ба қувваи кории соҳибихтисос бештар намуда, дар ин замина масъалаи омода намудани кадрҳои ҷавобгӯ ба талаботи истеҳсолоти муосир аҳамияти махсус касб кардааст. Аз ин рӯ, ин марказҳои таълимӣ фаъолияти худро бо назардошти эҳтиёҷи бозори меҳнат ва дар ҳамоҳангӣ бо корхонаҳои истеҳсолӣ ба роҳ мондаанд.
АКС аз манбаъҳои боз
11 август дар Мақомоти иҷроияи ҳокимияти давлатии ноҳияи Рӯдакӣ нишасти матбуотӣ доир мегардад
«МЕЪМОР-2026». Озмуни ҷумҳуриявии беҳтарин лоиҳаҳои меъморӣ ва шаҳрсозӣ ҷамъбаст шуд
Имрӯз дар шаҳри Душанбе ҳаво то 39 дараҷа гарм мешавад
Дар Тоҷикистон истеҳсоли равғани растанӣ зиёд гардидааст
Имрӯз дар водиҳои Тоҷикистон ҳаво то 36 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Дар арафаи ҷашни Истиқлоли давлатӣ дар ноҳияи Рашт чор иншооти нав ба истифода дода шуд
Дар Раёсати минтақавии гумрукӣ дар Бадахшон татбиқи Стратегияи давлатии муқовимат ба коррупсия баррасӣ шуд
Донишкадаи кӯҳию металлургии Тоҷикистон ҳамкориро бо 67 муассисаи илмӣ ва таълимии давлатҳои хориҷӣ густариш медиҳад
Имрӯз дар Душанбе ҳаво то 37 дараҷа гарм мешавад
Барои довталабон ва шахсони масъули рушди захираҳои инсонӣ дар низоми бонкии Тоҷикистон оид ба барномаи JISPA ҳамоиш доир шуд
Дар «Тоҷикаэронавигатсия» татбиқи Стратегияи миллии фаъолгардонии нақши занон дар Тоҷикистон баррасӣ гардид
