Дар ноҳияи Айнӣ кишти помидор бо усули обёрии қатрагӣ ба роҳ монда мешавад
ДУШАНБЕ, 04.06.2026 /АМИТ «Ховар»/. Дар ноҳияи Айнӣ барои истифодаи самараноки замин ва ҷорӣ намудани технологияҳои муосири кишоварзӣ тадбирҳои нав амалӣ мегарданд. Бо ин мақсад дар заминҳои корами хоҷагии деҳқонии ба номи Туғрал маротибаи аввал кишти кӯчатҳои помидор бо усули обёрии қатрагӣ ба роҳ монда шуд.
Тавре АМИТ «Ховар» бо истинод ба Мақомоти иҷроияи ҳокимияти давлатии ноҳияи Айни хабар медиҳад, татбиқи чунин усул яке аз роҳҳои муҳими баланд бардоштани ҳосилнокии зироатҳо, сарфаи захираҳои об ва рушди кишоварзии муосир ба ҳисоб меравад.
Обёрии қатрагӣ имкон медиҳад, ки об мустақиман ба қисми решаи растанӣ расонида шуда, талафоти он коҳиш ёбад. Ин усул на танҳо истифодаи оқилонаи обро таъмин мекунад, балки барои беҳтар шудани нашъунамои растанӣ, кам гардидани хароҷоти истеҳсолӣ ва афзоиши ҳаҷми ҳосил низ мусоидат менамояд.
Дар шароити имрӯзаи тағйирёбии иқлим ва зарурати сарфакорона истифода бурдани захираҳои табиӣ, ҷорӣ намудани технологияҳои нав дар соҳаи кишоварзӣ аҳамияти махсус дорад. Дар мавриди ба даст омадани натиҷаҳои назаррас, ин таҷриба дар дигар хоҷагиҳои ноҳия низ густариш дода мешавад.
Ҳамчунин тибқи нақша, пас аз анҷоми корҳои омодагӣ ва насби пурраи шабакаи обёрии қатрагӣ, кӯчатҳои помидор дар майдони муайян шинонида мешаванд.
Мутахассисон умедворанд, ки истифодаи ин технология ба баланд гардидани ҳосилнокӣ ва таъмини бозорҳои маҳаллӣ бо маҳсулоти хушсифати кишоварзӣ мусоидат хоҳад намуд.
АКС: Мақомоти иҷроияи ҳокимияти давлатии ноҳияи Айнӣ
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
