Дар ноҳияи Айнӣ пайомадҳои офати табиӣ бартараф мегарданд
ДУШАНБЕ, 03.06.2026 /АМИТ «Ховар»/. Дар ноҳияи Айнӣ корҳои бартарафсозии оқибатҳои офати табиӣ бо ҷалби сохторҳои дахлдор, техникаҳои махсус ва иштироки фаъоли сокинон идома доранд.
Тавре АМИТ «Ховар» бо истинод ба Мақомоти иҷроияи ҳокимияти давлатии ноҳияи Айнӣ хабар медиҳад, дар натиҷаи боришоти шадид ва омадани сел як қатор иншооти инфрасохторӣ, роҳҳои маҳаллӣ, қитъаҳои наздиҳавлигӣ, боғу заминҳои кишоварзӣ ва баъзе манзилҳои истиқоматӣ зарар диданд.
Бо дастури роҳбарияти ноҳия барои барқарор намудани шароити зиндагии сокинон ситоди махсус таъсис дода шуда, корҳои бартарафсозии оқибатҳои офатҳои табиӣ шабонарӯзӣ идома доранд. Инчунин дар назди оромгоҳе, ки аз сел осеб дидааст, корҳои санитариву тозакунӣ ба роҳ монда шуда, кормандони ташкилоту муассисаҳо ва сокинони маҳаллӣ дар покиза намудани ҳудуд аз лойоба, сангу шағал ва дигар партовҳои овардаи сел саҳми худро мегузоранд.
Ҳамзамон дар роҳи мошингарди ноҳияи Айнӣ – Кӯҳистони Мастчоҳ техникаҳои пуриқтидор сафарбар гардида, роҳ аз сангрезаҳо ва лойобаҳо тоза карда мешавад. Ин тадбир барои таъмини ҳаракати бемамониати нақлиёт ва барқарор намудани робитаи доимии байни маҳалҳо аҳамияти муҳим дорад.
Ҳамчунин дар манзилҳои истиқоматӣ, ки аз офати табиӣ зарар дидаанд, корҳои бартарафсозии харобиҳо ва расонидани кумакҳои аввалиндараҷа идома дошта, ҳолати ҳар як оила мавриди омӯзиш қарор гирифта шуд. Барои барқарор намудани боғҳо ва заминҳои кишоварзии осебдида чораҳои зарурӣ андешида шуда, ҷараёни тоза намудани заминҳо аз таҳшинҳои сел ва омода кардани онҳо барои истифодаи минбаъда идома дорад.
Корҳои барқарорсозӣ дар ҳамаи мавзеъҳои осебдидаи ноҳия тибқи нақша идома дошта, мақомоти иҷроияи ҳокимияти давлатии ноҳия барои рафъи пурраи оқибатҳои офат ва таъмини амнияти сокинон тадбирҳои иловагиро ба роҳ мемонад.
АКС: Мақомоти иҷроияи ҳокимияти давлатии ноҳияи Айнӣ
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
