Дар ноҳияи Деваштич мумфаршкунии беш аз 3 километр роҳ оғоз гардид
ДУШАНБЕ, 24.06.2026 /АМИТ «Ховар»/. Дар доираи корҳои ободониву созандагӣ бахшида ба ҷашни 35-солагии Истиқлоли давлатӣ дар Ҷамоати деҳоти Далёни болои ноҳияи Деваштич мумфаршкунии роҳҳои маҳаллӣ оғоз гардид. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.
Тибқи нақша, дар марҳилаи аввал 3,1 километр роҳ пурра мумфарш карда мешавад. То имрӯз дар 8 ҷамоати шаҳраку деҳоти ноҳия роҳҳои дорои аҳамияти ҷумҳуриявию маҳаллӣ мумфарш гардида, вазъи роҳу нақлиёт назар ба солҳои пеш чандин маротиба беҳтар шудааст.
Ёдовар мешавем, ки соли 2025 зиёда аз 10 километр роҳи дохилии деҳаи Росровути Ҷамоати деҳоти Росровути ноҳия бо иқдоми сокинон ва соҳибкорон мумфарш карда шуд. Сокинон ва соҳибкорон маблағи барои ҳаҷ ҷамънамудаашонро дар амалишавии ин иқдом сарф намуданд. То 35-солагии ҷашни Истиқлолияти давлатӣ роҳи деҳаҳои Росровут-Даҳкат-Қалъаи Дӯст, ки 25 километрро дар бар мегирад, пурра мумфарш карда мешавад.
Бояд гуфт, ки сокинони ноҳияи Деваштич дар тамоми деҳаҳо иқдоми шоиста амалӣ намуда, бо ободу зебо намудани маҳалли зист, аз ҷумла мумфарш намудани кӯчаҳои деҳот намунаи ибрат гардидаанд.
Дар доираи омодагӣ ба ҷашни 35-солагии Истиқлоли давлатӣ дар тамоми шаҳру ноҳияҳои вилояти Суғд корҳои созандагию ободонӣ вусъат ёфта, бо дастгирии мақомоти давлатӣ ва саҳми сокинони ватандӯст даҳҳо иншооти иҷтимоӣ ва роҳҳо бунёду навсозӣ мешаванд.
АКС: Хадамоти матбуоти Раиси вилояти Суғд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
СОЛИ ОБОДОНИЮ СОЗАНДАГӢ. Дар ноҳияи Ёвон мумфаршкунии роҳҳои маҳаллӣ идома дорад
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
