Дар шаҳри Хуҷанд мавсими нави оббозӣ дар шиногоҳи соҳили дарёи Сир оғоз гардид
ДУШАНБЕ, 03.06.2026 /АМИТ «Ховар»/. Дар шаҳри Хуҷанд мавсими оббозӣ оғоз гардида, шиногоҳи соҳили чапи дарёи Сир ба он пурра омода карда шуд.
Тавре АМИТ «Ховар» бо истинод ба Хадамоти матбуоти Раиси вилояти Суғд хабар медиҳад, бо фаро расидани мавсими тобистон ва гарм шудани ҳаво сокинон бештар аз мавзеъҳои истироҳатӣ ва шиногоҳҳо истифода менамоянд. Дар ин замина, барои таъмини истироҳати шоистаи шаҳрвандон дар соҳили дарёи Сир дар шаҳри Хуҷанд шароити зарурӣ фароҳам оварда шуда, масъалаи амнияти шаҳрвандон дар мавсими оббозӣ таҳти назорати доимӣ қарор дорад.
Раиси вилоят нахуст аз бахши Раёсати Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар шаҳр дидан намуда, барои таъмини кумаки саривақтӣ ба шаҳрвандон, махсусан ба шахсони камтаҷриба дар оббозӣ дастур дод.
Инчунин ин бахш бо техника ва таҷҳизоти муосири наҷотдиҳӣ, аз ҷумла заврақҳои моторӣ ва резинӣ, гидросикл, киштиҳои патрулӣ, мошинҳои махсуси наҷотдиҳӣ ва дигар воситаҳои зарурӣ таъмин мебошад. Ҳамарӯза 10 нафар наҷотдиҳандаи ботаҷриба тибқи ҷадвал дар ҳолати навбатдорӣ қарор доранд.
Иброз гардид, ки шиногоҳ бо назардошти меъёрҳои муосир ташкил гардида, барои фароғати сокинон ва меҳмонони дохиливу хориҷӣ пешбинӣ шудааст.
Дар он шароити мусоид, аз ҷумла ҳавзҳои сунъӣ барои кӯдакон, майдонҳои варзишӣ, аз қабили волейбол ва тенниси рӯи миз, гӯшаҳои фароғатӣ муҳайё гардидааст.
Ҳамчунин дар ҳудуди шиногоҳ соябонҳо, ҳуҷраҳои ивази либос ва дигар инфрасохтори зарурӣ барои истироҳати бо фароғати шаҳрвандон омода карда гардааст.
АКС: Хадамоти матбуоти Раиси вилояти Суғд
ЭҲТИЁТ АЗ НУРҲОИ БАЛАНДИ ОФТОБ! Ҳангоми гармои шадид саломатиро чӣ тавр бояд ҳифз намуд?
Дар «Чангоб» 220 нафар кӯдакони ятими кулл, нимятим ва аз оилаҳои камбизоат ба истироҳат фаро гирифта шудаанд
НИШАСТИ МАТБУОТӢ. «Тоҷиксуғурта» ба шаҳрвандон ва ташкилот беш аз 1,1 миллион сомонӣ ҷуброни суғуртавӣ пардохт намуд
Президенти Тоҷикистон: «Сифати таҳияи лоиҳаи санадҳои меъёрии ҳуқуқӣ ҳанӯз ба талабот пурра ҷавобгӯ нест»
Муассисаҳои таҳсилоти ибтидоии касбӣ пурра бо китобҳои дарсӣ таъмин мебошанд
Дар Душанбе беш аз 13 ҳазор нафар ба сафи Ҳизби Халқии Демократии Тоҷикистон қабул гардиданд
Эмомалӣ Раҳмон: «Волоияти қонун асоси устувории давлат ва шарти муҳими зиндагии осоиштаи мардум аст»
Дар марказҳои касбомӯзии Тоҷикистон беш аз 20 касби серталаб омӯзонида мешаванд
ОГОҲӢ! Аз 15 то 18 июл дар Тоҷикистон баландшавии ҳарорати ҳаво пешгӯӣ мешавад
Дар муассисаҳои таҳсилоти ибтидоӣ ва миёнаи касбӣ 25 ихтисоси нав дар соҳаи саноати металлургияи сиёҳ таъсис меёбад
Дар деҳаҳои Дарғ ва Каздони ноҳияи Айнӣ бар асари омадани сел хисороти зиёд ба қайд гирифта шуд
