Иҷлосияи шастуми Комиссияи СММ оид ба аҳолӣ ва рушд таҳти раёсати Тоҷикистон мегузарад

ДУШАНБЕ, 24.06.2026 /АМИТ «Ховар»/. 23 июн Намояндаи доимии Ҷумҳурии Тоҷикистон дар Созмони Милали Муттаҳид, ҳамзамон Раиси иҷлосияи шастуми Комиссияи Созмони Милали Муттаҳид оид ба аҳолӣ ва рушд Ҷонибек Ҳикмат бо ёвари Дабири кулл оид ба ҳамоҳангсозии сиёсатҳои Дафтари масъалаҳои иқтисодӣ ва иҷтимоии Созмони Милали Муттаҳид хонум Бйорг Сандкйер мулоқот намуд.

Тавре ба АМИТ «Ховар» аз Намояндагии доимии Ҷумҳурии Тоҷикистон дар Созмони Милали Муттаҳид хабар доданд, дар мулоқот ҷонибҳо масъалаҳои марбут ба омодагӣ ба раёсати Тоҷикистон дар иҷлосияи шастуми Комиссияи Созмони Милали Муттаҳид оид ба аҳолӣ ва рушд, инчунин дурнамои роҳандозии ташаббусҳои муштаракро вобаста ба ташкил ва баргузории ин иҷлосия баррасӣ намуданд.

Бюрои Комиссияи Созмони Милали Муттаҳид оид ба аҳолӣ ва рушд аз намояндагони панҷ гурӯҳи минтақавӣ иборат буда, давоми иҷлосияи дарпешистода бо ташкил намудан ҷаласаҳои махсус масъалаҳои марбут ба фаъолияти Комиссияро баррасӣ хоҳад намуд.

АКС: Намояндагии доимии Ҷумҳурии Тоҷикистон дар Созмони Милали Муттаҳид