Имкониятҳои сайёҳӣ ва ҳунарҳои миллии Тоҷикистон дар Ҳафтаи фарҳангии «Ҷянсу – Осиёи Марказӣ 2026» муаррифӣ карда шуд
ДУШАНБЕ, 30.06.2026 /АМИТ «Ховар»/. Аз 26 то 28 июн дар шаҳри Нанкини музофоти Ҷянсуи Ҷумҳурии Мардумии Чин Ҳафтаи фарҳангии «Ҷянсу – Осиёи Марказӣ 2026» баргузор гардид. Дар доираи он имкониятҳои сайёҳӣ, мероси ғании фарҳангӣ ва ҳунарҳои мардумии Ҷумҳурии Тоҷикистон муаррифӣ шуд. Дар ин хусус ба АМИТ «Ховар» аз Кумитаи рушди сайёҳии назди Ҳукумати Ҷумҳуриии Тоҷикистон хабар доданд.
Дар доираи чорабиниҳои Ҳафтаи фарҳангии «Ҷянсу – Осиёи Марказӣ 2026» муовини Раиси Кумитаи рушди сайёҳии назди Ҳукумати Ҷумҳурии Тоҷикистон Зиёдулло Салимзода аҳамияти таҳкими ҳамкории Чин ва кишварҳои Осиёи Марказиро дар соҳаи сайёҳӣ, муаррифии минтақа ҳамчун фазои ягонаи сайёҳӣ ва рушди хатсайрҳои муштараки сайёҳӣ иброз намуд.
Гӯшаи намоишии ширкати «Асрори санг», ки дар он намунаҳои нодири маҳсулоти ҳунарӣ, расмҳо, армуғонҳо ва дигар осори муаллифӣ аз сангҳои қиматбаҳо ва нимқиматбаҳои Тоҷикистон ба маърази тамошо гузошта шуданд, таваҷҷуҳи меҳмононро ҷалб намуд.
Экспозитсияи Тоҷикистон сокинони Чин, намояндагони кишварҳои Осиёи Марказӣ, ташкилотҳои сайёҳӣ ва доираҳои соҳибкориро бо фарҳанги ғанӣ, ҳунарҳои мардумӣ ва имкониятҳои сайёҳии Ҷумҳурии Тоҷикистон ошно намуд.
Дар фарҷоми чорабинӣ ҷониби Тоҷикистон иштирокчиён ва меҳмононро барои иштирок дар Намоишгоҳи байналмилалии сайёҳӣ «Dushanbe International Tourism Exhibition» (DITE-2026), ки аз 24 то 26 сентябр дар шаҳри Душанбе доир мегардад, даъват намуд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
Дар Ҷумҳурии Тоҷикистон шумораи соҳибкорзанони фаъол ба 110 ҳазор нафар расид
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Маҷмуи маҳсулоти дохилии Вилояти Мухтори Кӯҳистони Бадахшон дар нуҳ моҳ ба 1,5 миллиард сомонӣ расонида шуд
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Дар Форуми ҷаҳонии озуқаворӣ имконоти соҳаи кишоварзии Тоҷикистон муаррифӣ гардид
MADE IN TAJIKISTAN. Дар доираи Форуми соҳибкории «Тоҷикистон, ба пеш!» маҳсулоти истеҳсоли ватанӣ муаррифӣ гардид
14 ОКТЯБР–РӮЗИ СОҲИБКОРОН. Соҳибкорон неруи бузургу пешбарандаи иқтисодиёти Тоҷикистон мебошанд
Исломиддин Раҳмон: «Яке аз вазифаҳои олии стандартизатсия ҳифзи ҳаёт ва саломатии инсон мебошад»
Тоҷикистон ва Ҷопон бунёди пули нав аз болои дарёи Кофарниҳонро баррасӣ намуданд
