Кирмакпарварони ноҳияи Рашт 18 тонна пиллаи хушсифат истеҳсол менамоянд
РАШТ, 01.06.2026. /АМИТ «Ховар»/. Кирмакпарварони ноҳияи Рашт тасмим гирифтаанд, ки имсол истеҳсоли пилларо ба 18 тонна расонанд. Дар ин хусус намояндаи Ҷамъияти саҳомии кушодаи «Пиллаи тоҷик» дар ноҳияи Рашт Сайаттор Халилов ба хабарнигори минтақавии АМИТ «Ховар» Субҳониддини Маҳмуд иттилоъ дод.
Ба иттилои номбурда, онҳо то имрӯз қоидаҳои агротехникии парвариш ва нигоҳубини кирмакро риоя карда, айни замон пиллапарварони ҷамоатҳои деҳоти Нусратулло Махсум, Оби Меҳнат ва Тагоба ҷамъоварии пилларо оғоз намуданд.
Иттилоъ дода шуд, ки дар ноҳия дар асоси барномаи «Рушду тараққиёти соҳаи пиллапарварӣ ва коркарди он» 600 қуттии кирми кирмак ба 670 хоҷагии кирмакпарвари ҷамоатҳои деҳоти ноҳия дода шуд, ки хушбахтона парваришу нигоҳубини кирм хуб ба роҳ монда шудааст ва дар ҷамоатҳои шаҳраку деҳоти ноҳия барои хӯроки кирмак барги тут кифоя мебошад.
Солҳои гузашта Ҷамъияти саҳомии кушодаи «Пиллаи тоҷик» дар ноҳияи Рашт аз кирмакпарварон як килограмм пиллаи омехтаи истеҳсолшударо ба маблағи 18 сомонӣ харидорӣ мекард. Соли дуюм аст, ки як килограмм пиллаи омехтаро бо маблағи 20 сомонӣ харидорӣ менамояд.
Дар ҳудуди ноҳияи Рашт 60 ҳазор бех дарахтони калони тут ва 20 гектар тутзор мавҷуд аст. Инчунин дар доираи рушди пиллапарварӣ дар ноҳия соли 2024 дар ҷамоатҳои шаҳраку деҳот 13 ҳазору 600 бех ниҳоли тут шинонда шуд, ки имрӯзҳо сабзиши он хуб мебошад.
АКС: Мақомоти иҷроияи ҳокимияти давлатии ноҳияи Рашт
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
