Муовини Сарвазир бо фаъолияти корҳои саҳроӣ дар ноҳияи Шаҳристон шинос шуд
ДУШАНБЕ, 18.05.2026 /АМИТ «Ховар»/. 17 июн муовини Сарвазири Ҷумҳурии Тоҷикистон Сулаймон Зиёзода бо рафти корҳои саҳроӣ ва вазъи нашъунамои картошка дар ноҳияи Шаҳристон шинос шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Шаҳристон хабар медиҳад.
Сулаймон Зиёзода иброз намуд, ки рушди соҳаи картошкапарварӣ яке аз самтҳои муҳими таъмини амнияти озуқаворӣ ба ҳисоб рафта, Ҳукумати Ҷумҳурии Тоҷикистон таҳти роҳбарии Президенти мамлакат муҳтарам Эмомалӣ Раҳмон ба истифодаи самараноки замин ва афзоиши истеҳсоли маҳсулоти кишоварзӣ таваҷҷуҳи хоса зоҳир менамояд.
Ҳамчунин дар ин рӯз Сулаймон Зиёзода бо қитъаҳои кишоварзии деҳқонон, вазъи рушди зироати картошка, иҷрои тадбирҳои агротехникӣ, таъмини заминҳо бо оби полезӣ ва фаъолияти хоҷагиҳои деҳқонӣ шинос гардид.
Муовини Сарвазири мамлакат ба масъулини соҳа ва кишоварзон барои сари вақт анҷом додани корҳои агротехникӣ, мубориза бар зидди ҳашароти зараррасон, истифодаи самараноки захираҳои обӣ ва баланд бардоштани ҳосилнокии заминҳо дастуру тавсияҳои мушаххас дод.
Таъкид гардид, ки бо назардошти имкониятҳои мусоиди табиӣ ва таҷрибаи бойи картошкапарварони ноҳия, зарур аст ҳаҷми истеҳсоли картошка бештар гардида, кишоварзон саҳми худро дар таъмини бозори дохилӣ бо маҳсулоти босифат боз ҳам назаррас гардонанд.
АКС: Мақомоти иҷроияи ҳокимияти давлатии ноҳияи Шаҳристон
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
