Муовини якуми Сарвазири Тоҷикистон бо Президенти Бонки исломии рушд мулоқот намуд
ДУШАНБЕ, 16.06.2026 /АМИТ «Ховар»/. 16 июн дар шаҳри Боку дар ҳошияи Ҷаласаи солонаи Бонки исломии рушд мулоқоти муовини якуми Сарвазири Ҷумҳурии Тоҷикистон Ҳоким Холиқзода бо Президенти Бонки исломии рушд, доктор Муҳаммад Ал-Ҷосир баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Ҷумҳурии Озарбойҷон хабар доданд.
Зимни мулоқот масъалаҳои рушди иҷтимоию иқтисодии Ҷумҳурии Тоҷикистон ва авлавиятҳои он, инчунин ҳавасмандии ҷонибҳо ба густариши ҳамкорӣ дар соҳаҳои энергетика, нақлиёт ва ҳампайвастагии минтақавӣ, иқтисоди рақамӣ, тағйирёбии иқлим ва рушди бахши хусусӣ мавриди баррасӣ қарор гирифтанд.
Зимнан ба имконияти таҳияи барномаи нави дарозмуддати ҳамкорӣ байни Ҷумҳурии Тоҷикистон ва Бонки исломии рушд, ки авлавиятҳои умумии ҳамкории ҷонибҳоро барои солҳои наздик муайян месозанд, зиёд намудани ҳаҷми маблағгузории лоиҳаҳо дар бахшҳои афзалиятноки иқтисоди Тоҷикистон, инчунин тавсеаи абзорҳои маблағгузории исломӣ барои дастгирии бахши хусусӣ таваҷҷуҳи хосса зоҳир карда шуд.
Дар фарҷоми мулоқот Ҳоким Холиқзода ба Бонки исломии рушд барои шарикии боэътимод ва дарозмуддат бо Ҷумҳурии Тоҷикистон изҳори сипос намуда, ибрози итминон кард, ки ҳамкориҳои Тоҷикистон ва Бонки исломии рушд минбаъд низ дар руҳияи ҳусни тафоҳум ва шарикии созанда густариш хоҳанд ёфт.
АКС: Сафорати Ҷумҳурии Тоҷикистон дар Ҷумҳурии Озарбойҷон
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
Намояндагони Тоҷикистон дар Форуми байналмилалии зиддикоррупсионӣ иштирок намуданд
Дар Тоҷикистон аввалин маҷмааи муосири истеҳсоли шиша бунёд мегардад
Дар ноҳияи Сино низоми «Пардохти ягонаи коммуналӣ» дар марҳилаи пилотӣ ҷорӣ мегардад
Тоҷикистон бо чанд давлати ҷаҳон муносибати савдои хориҷӣ дорад?
Дар Душанбе Форуми рушди технологияҳои иттилоотию коммуникатсионӣ баргузор шуд
