Намояндаи Тоҷикистон дар ҷаласаи Раёсати Шурои соҳибкории СҲШ дар Бишкек иштирок намуд
ДУШАНБЕ, 25.06.2026 /АМИТ «Ховар»/. 23 — 24 июн дар шаҳри Бишкеки Қирғизистон ҷаласаи Раёсати Шурои соҳибкории Созмони ҳамкории Шанхай баргузор гардид, ки дар кори он Раиси Палатаи савдо ва саноати Ҷумҳурии Тоҷикистон Фарҳод Раҳмонализода иштирок намуд.
Тавре ба АМИТ «Ховар» аз Палатаи савдо ва саноати Ҷумҳурии Тоҷикистон хабар доданд, дар ҷаласа аҳамияти рушди ҳамкории нақлиётӣ ва логистикӣ дар фазои Созмони ҳамкории Шанхай баррасӣ гардид. Инчунин иштирокдорон зарурати тақвияти фаъолияти муштаракро барои рушди долонҳои нақлиётӣ ва ташаккули механизмҳои самараноки ҳамкории логистикӣ дар доираи созмон муҳим арзёбӣ намуданд.
Намояндаи Ҷумҳурии Тоҷикистон ташаббуси таъсиси гурӯҳҳои кории соҳавиро оид ба нақлиёт ва логистика, энергетика ва иқтисоди «сабз», инчунин кишоварзӣ дастгирӣ намуд.
Ҳамзамон омодагии Палатаи савдо ва саноати Тоҷикистон ва сохторҳои соҳавии он барои расонидани мусоидати ҳамаҷониба ба татбиқи лоиҳаҳои муштарак тасдиқ гардид.
Бо мақсади таҳкими ҳамкории амалии давлатҳои аъзои созмон, ҷониби Тоҷикистон пешниҳод намуд, ки ҷаласаи навбатии Гурӯҳи кории Созмони ҳамкори Шанхай оид ба нақлиёт ва логистика дар шаҳри Душанбе баргузор карда шавад. Ҳамчунин пешниҳод гардид, ки намоишгоҳи соҳавии «Транслогистикаи Созмони ҳамкори Шанхай» ташкил карда шавад.
Дар ҷаласа иштирокдорон оид ба аҳамияти рушди минбаъдаи робитаҳои соҳибкорӣ, тавсеаи ҳамкории сармоягузорӣ ва татбиқи лоиҳаҳои муштараки инфрасохторӣ, ки ба таҳкими шарикии иқтисодӣ дар фазои Созмони ҳамкори Шанхай равона гардидаанд, мубодилаи афкор намуданд.
АКС: Палатаи савдо ва саноати Ҷумҳурии Тоҷикистон
Исломиддин Раҳмон: «Яке аз вазифаҳои олии стандартизатсия ҳифзи ҳаёт ва саломатии инсон мебошад»
Тоҷикистон ва Ҷопон бунёди пули нав аз болои дарёи Кофарниҳонро баррасӣ намуданд
Пагоҳ дар Душанбе Форуми соҳибкории «Тоҷикистон, ба пеш!» оғоз меёбад
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
Дурнамои тақвияти ҳамкории Тоҷикистон ва Австрия баррасӣ гардид
Сардори Хадамоти зиддиинҳисории Тоҷикистон дар ҷаласаи Шурои машваратӣ оид ба ҳимояи ҳуқуқи истеъмолкунандагон иштирок намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар Душанбе истифодаи таҷрибаи пешқадами байналмилалӣ дар соҳаи кишоварзӣ баррасӣ гардид
Дар Душанбе ҷаласаи 10-уми Гурӯҳи кории махсуси СҲШ оид ба мусоидат ба сармоягузорӣ доир гардид
