Самтҳои афзалиятноки ҳамкорӣ дар соҳаи таҳсилоти касбӣ бо Намояндагии ЮНИСЕФ дар Тоҷикистон баррасӣ гардид
ДУШАНБЕ, 02.06.2026 /АМИТ «Ховар»/. 1 июн дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон натиҷаҳои ҳамкории кумита бо Намояндагии ЮНИСЕФ дар Ҷумҳурии Тоҷикистон, инчунин самтҳои афзалиятноки ҳамкорӣ дар оянда муайян гардиданд. Дар ин хусус АМИТ «Ховар» бо истинод ба Кумита оид ба таҳсилоти ибтидоӣ ва миёнаи касбӣ хабар медиҳад.
Раиси Кумита оид ба таҳсилоти ибтидоӣ ва миёнаи касбӣ Фарҳод Раҳимӣ аз сатҳи ҳамкории муштарак бо ЮНИСЕФ изҳори қаноатмандӣ намуда, ҳавасмандии кумитаро барои таҳкими бештари ҳамкорӣ иброз дошт.
Роҳбари Намояндагии ЮНИСЕФ дар Тоҷикистон Артур ван Дизен таваҷҷуҳи вижа ва иродаи қавии Ҳукумати Тоҷикистонро ба рушди зинаҳои таҳсилоти ибтидоӣ ва миёнаи касбӣ ва қарор додани он дар авлавиятҳои стратегии давлат баланд арзёбӣ намуд. Ӯ изҳор дошт, ки чунин муносибати хирадмандона ва дурандешонаи Ҳукумати Тоҷикистон ба ин соҳа намунаи барҷаста ва ибрат барои бисёр давлатҳо мебошад.
Дар фарҷоми мулоқот тарафҳо таъкид намуданд, ки оғози марҳилаи нави ҳамкории Созмони Милали Муттаҳид бо Ҳукумати Ҷумҳурии Тоҷикистон барои солҳои 2027-2030, ки дар марҳилаи тасвиби ниҳоӣ қарор дорад, заминаи мустаҳкам ва имкониятҳои васеъро барои густариши ҳамкорӣ, аз ҷумла дар соҳаи таҳсилоти касбӣ фароҳам хоҳад овард.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
ТАРЗИ ҲАЁТИ СОЛИМ. Камҳаракатӣ барои пайдоиши бемориҳои гуногун замина фароҳам меорад
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Шахсони дорои масунияти заиф бештар ба зуком гирифтор мешаванд
