Шурои Гурӯҳи Бонки ҷаҳонӣ Барномаи шарикии кишварӣ барои Тоҷикистонро қабул намуд
ДУШАНБЕ, 03.06.2026 /АМИТ «Ховар»/. 2 июн аъзои Шурои Гурӯҳи Бонки ҷаҳонӣ Барномаи шарикии кишварӣ (Country Partnership Framework) барои Тоҷикистонро барои солҳои 2026-2032 қабул намуд.
Барномаи шарикии кишварӣ (CPF) барои Тоҷикистон стратегияи Гурӯҳи Бонки ҷаҳониро ҷиҳати дастгирии гузариш ба самти рушди устувор ва тобовар, ки ба рушди бахши хусусӣ ва таъсиси ҷойҳои корӣ мусоидат мекунад, муқаррар менамояд.
Санади мазкур бо Стратегияи миллии рушди Тоҷикистон то соли 2030 ҳамоҳанг буда, ба беҳтарсозии дастрасӣ ба ҷойҳои корӣ, хизматрасониҳо ва имкониятҳои иқтисодӣ равона шудааст.
Барои ноил гардидан ба ин ҳадафҳо ин санад дастгирии равонашударо дар самтҳои калидӣ, аз ҷумла тавсеаи дастрасӣ ба неруи барқи тоза, таҳкими сармояи инсонӣ, рушди сармоягузории бахши хусусӣ ва баланд бардоштани сатҳи тобоварӣ ба таъсирҳои иқлимӣ ва беруна фаро мегирад.
Дар маҷмуъ, Барномаи шарикии кишварӣ ба баланд бардоштани тобоварии иқтисодӣ ва беҳтар намудани сатҳи зиндагии аҳолӣ равона шудааст.
Тибқи иттилои Намояндаи доимии Ҷумҳурии Тоҷикистон дар назди Бонки ҷаҳонӣ ва Хазинаи байналмилалии асъор Пайрав Амирзода, аъзои Шурои Бонки ҷаҳонӣ қабули санади мазкурро барои кишвари мо муҳим ва саривақтӣ дониста, онро дар ҳамкории Тоҷикистон бо Гурӯҳи Бонки ҷаҳонӣ дар давраи солҳои 2026-2032 ҳамҷун санади стратегӣ таъкид карданд.
Санади мазкур бо назардошти амалӣ гаштани ислоҳоти соҳавӣ, метавонад дар ин давра то 1,8 миллиард доллари ИМА маблағгузории имтиёзнок ва сармояи хусусиро барои Тоҷикистон ҷалб намояд.
«IT HUB DUSHANBE». Бо бунёди ин маҷмаа Душанбе ба шаҳри интелектуалӣ, рақамӣ ва инноватсионии Осиёи Марказӣ табдил меёбад
НИШАСТИ МАТБУОТӢ. Хадамоти зиддиинҳисорӣ ба маблағи 1,7 миллион сомонӣ вайронкунии қонунгузории зиддиинҳисориро ошкор намуд
Аз Тоҷикистон дар ҳаҷми беш аз 4298 тонна ангур содирот шудааст
Дар назди Агентии инноватсия ва технологияҳои рақамӣ Маркази ҳифзи маълумот таъсис дода шуд
ҚУРБИ АСЪОР: 1 доллари ИМА аз 9.1800 то 9.2700 сомонӣ муқаррар шудааст
Дар Форуми сиёсии сатҳи баланд оид ба рушди устувори СММ мавқеи Тоҷикистон оид ба рушди устувор муаррифӣ шуд
Дар Душанбе Машварати чоруми вазирони саноати давлатҳои аъзои Созмони ҳамкории иқтисодӣ доир мешавад
Дар шаҳри Сиани Чин ҳамоиши соҳибкорони вилояти Суғд ва музофоти Шэнсӣ баргузор гардид
НИШАСТИ МАТБУОТӢ. Дар нимсолаи якуми соли 2026 ба Тоҷикистон 889,4 ҳазор сайёҳи хориҷӣ омадааст
Аз Тоҷикистон ба маблағи беш аз 40 миллион доллар маҳсулоти кишоварзӣ содирот шудааст
Дар ноҳияи Шуғнон беш аз 720 оилаи занбӯри асал парвариш карда мешавад
35-СОЛАГИИ ИСТИҚЛОЛИ ДАВЛАТӢ. Дар Душанбе Озмоишгоҳи нави ҷумҳуриявии санҷиши сифати маҳсулоти кишоварзӣ ба истифода дода мешавад
