Тақвияти ҳамкории Бонки миллии Тоҷикистон бо Агентии рейтенгии «S&P Global Ratings» баррасӣ шуд
ДУШАНБЕ, 24.06.2026 /АМИТ «Ховар»/. Новобаста аз фазои мураккаби сиёсиву иқтисодии ҷаҳон дар Ҷумҳурии Тоҷикистон рушди босуботи иқтисодиву молиявӣ таъмин шуда истодааст. Ин нуктаро раиси Бонки миллии Тоҷикистон Фирдавс Толибзода дар мулоқот бо ҳайати таҳлилгарони Агентии байналмилалии рейтингии «S&P Global Ratings» Роман Рибалкин ва Максим Рибников дар шаҳри Душанбе баён намуд.
АМИТ «Ховар» бо истинод ба Бонки миллии Тоҷикистон иттилоъ медиҳад, ки дар мулоқот масъалаҳои марбут ба низоми бонкӣ, сиёсати пулию қарзӣ, суботи молиявӣ, идоракунии захираҳои байналмилалӣ ва татбиқи реҷаи ҳадафгирии таваррум дар ҷумҳурӣ баррасӣ гардиданд.
Раиси Бонки миллии Тоҷикистон аз ҳамкории судманду дарозмуддат бо Агентии байналмилалии рейтингии «S&P Global Ratings» изҳори қаноатмандӣ намуда, ба таҳлилгарони он оид ба вазъи низоми бонкии мамлакат, сиёсати пулӣ, нигоҳдории сатҳи таваррум, нишондиҳандаҳои низом ва имконоти мавҷуда барои ҷалби сармоягузорӣ иттилоъ дод.
Гуфта шуд, ки Бонки миллии Тоҷикистон барои татбиқи сиёсати пулию қарзӣ ва таъмини устувории низоми бонкӣ дар ҳамкорӣ бо дигар ниҳодҳои дахлдори ҷумҳурӣ тамоми чораҳои заруриро андешида, раванди ислоҳоти соҳаи бонкдориро идома медиҳад.
Инчунин таъкид гардид, ки Бонки миллии Тоҷикистон ва вазорату идораҳои мамлакат бо Агентии байналмилалии рейтингии «S&P Global Ratings» ҳамасола бо мақсади баҳогузорӣ ва интишори рейтинги қарзии соҳибихтиёрии Ҷумҳурии Тоҷикистон ҳамкорӣ менамояд.
АКС: Бонки миллии Тоҷикистон
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар Душанбе истифодаи таҷрибаи пешқадами байналмилалӣ дар соҳаи кишоварзӣ баррасӣ гардид
ҚУРБИ АСЪОР: 1 доллари ИМА аз 9.1600 то 9.2371 сомонӣ муқаррар шудааст
Дар Душанбе ҷаласаи 10-уми Гурӯҳи кории махсуси СҲШ оид ба мусоидат ба сармоягузорӣ доир гардид
Дар вилояти Суғд зеристгоҳи барқии «Ёва» бо иқтидори 110/35/10 кВ ба истифода дода мешавад
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар Конибодом ҷамъоварии пахта ва кишти такрорӣ идома дорад
Дар сардхонаҳо ва анборхонаҳои Тоҷикистон 12 ҳазор тонна ғалладонагиҳо захира гардидаанд
Дар вилояти Суғд беш аз 33 фоизи нақшаи ҷамъоварии пахта иҷро гардидааст
