ТАЪМИНИ АМНИЯТИ ОЗУҚАВОРӢ. Шумораи гармхонаҳои доимамалкунандаи Тоҷикистон 1028 ададро ташкил медиҳад
ДУШАНБЕ, 02.06.2026 /АМИТ «Ховар»/. Бо мақсади таъмини аҳолӣ бо маҳсулоти тару тозаи кишоварзӣ дар Тоҷикистон 1028 гармхонаи доимамалкунанда мавҷуд аст, ки замини онҳо 193,7 гектарро ташкил медиҳад. Дар ин хусус ба АМИТ «Ховар» аз Вазорати кишоварзии Ҷумҳурии Тоҷикистон хабар доданд.
Тибқи иттилои манбаъ, аз 193,7 гектар дар майдони 174,6 гектар сабзавот, аз ҷумла дар 78,2 гектар помидор, 41 гектар бодиринг ва дар масоҳати 54,3 гектар дигар сабзаҷот парвариш карда шудааст.
То 30 май аз майдони умумии киштшуда ба миқдори 3027,6 тонна сабзавот, аз ҷумла помидор 1192 тонна, бодиринг 699,8 тонна ва дигар сабзавот 1135,8 тонна истеҳсол шудааст.
Солҳои охир таваҷҷуҳ ба рӯёндани сабзавоти тару тоза ва сабзаҷот дар гармхонаҳо меафзояд. Фаъолияти босамари гармхонаҳост, ки дар рӯзҳои зимистон бозори истеъмолӣ аз ҷониби кишоварзони мамлакат бо сабзавоти тару тоза таъмин карда мешавад.
Ҳукумати мамлакат аҳамияти иқтисодӣ ва иҷтимоии ин масъаларо ба инобат гирифта, ҷиҳати васеъ намудани майдони истеҳсоли маҳсулоти кишоварзӣ тавассути гармхонаҳо чораҳои муассир меандешад.
Дар ҷумҳурӣ гармхонаҳои мавсимӣ низ фаъолият менамоянд. Тибқи иттилои масъулин, то 30 майи соли равон дар гармхонаҳои мавсимӣ дар ҳамаи шаклҳои хоҷагидории ҷумҳурӣ 4017 гектар кишти сабзавот гузаронида шудааст.
АКС аз манбаъҳои боз
Пагоҳ дар Душанбе Форуми соҳибкории «Тоҷикистон, ба пеш!» оғоз меёбад
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
Дурнамои тақвияти ҳамкории Тоҷикистон ва Австрия баррасӣ гардид
Сардори Хадамоти зиддиинҳисории Тоҷикистон дар ҷаласаи Шурои машваратӣ оид ба ҳимояи ҳуқуқи истеъмолкунандагон иштирок намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар Душанбе истифодаи таҷрибаи пешқадами байналмилалӣ дар соҳаи кишоварзӣ баррасӣ гардид
Дар Душанбе ҷаласаи 10-уми Гурӯҳи кории махсуси СҲШ оид ба мусоидат ба сармоягузорӣ доир гардид
Дар вилояти Суғд зеристгоҳи барқии «Ёва» бо иқтидори 110/35/10 кВ ба истифода дода мешавад
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
