Татбиқи лоиҳаҳои амалкунандаи соҳаҳои воқеии иқтисодиёти Тоҷикистон дар Боку баррасӣ гардид
ДУШАНБЕ, 17.06.2026 /АМИТ «Ховар»/. 16 июн дар шаҳри Бокуи Озарбойҷон дар доираи Ҷаласаи солонаи Бонки исломии рушд вохӯрии якҷояи Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода ва муовини якуми Вазири молияи Ҷумҳурии Тоҷикистон Юсуф Маҷидӣ бо Раиси Фонди Саудии Рушд Султон Абдурраҳмон ал-Маршад доир гардид.
Тавре АМИТ «Ховар» бо истинод ба Вазорати молияи ҷумҳурӣ хабар медиҳад, дар вохӯрӣ ҷонибҳо оид ба татбиқи пурсамари лоиҳаҳои амалкунандаи соҳаҳои воқеии иқтисодиёт, аз ҷумла нақлиёту энергетика, инчунин истифодаи имкониятҳо дар маблағгузории лоиҳаҳои асосноккунии техникию иқтисодӣ ва ғайра табодули афкор намуданд.
Инчунин Абдураҳмон Абдураҳмонзода ва Юсуф Маҷидӣ бо иҷрокунандаи вазифаи директори генералии Институти Бонки исломии рушд доктор Самӣ Иброҳим Ал-Сувайлем вохӯрӣ намуданд.
Зимни мулоқот масъалаҳои гузариш ба марҳилаи нави шарикии стратегӣ, яъне тақвияти маблағгузории лоиҳаҳо тавассути кумаки илмию техникӣ ва рушди сармояи инсонӣ мавриди баррасӣ қарор гирифт.
Ҷонибҳо омодагии худро барои таҳияи «харитаи роҳ»-и амалӣ ва оғози лоиҳаҳои мушаххаси кумаки техникӣ дар фурсати наздик тасдиқ намуданд.
АКС: Вазорати молияи Ҷумҳурии Тоҷикистон
Душанбе мизбони Фестивали зеҳни сунъӣ ва технологияҳои рақамӣ — «AI ALLEY» мегардад
Аз шаҳри Турсунзода ба шаҳру ноҳияҳои мамлакат беш аз 70 ҳазор тонна маҳсулот содирот гардид
Ниҳодҳои олии аудити Тоҷикистон ва Чин ҳамкориро тақвият мебахшанд
Дар даҳ соли охир ҳаҷми маҷмуи маҳсулоти дохилӣ беш аз 3 баробар зиёд гардидааст
Мавсими ҷамъоварии ҳосили пахта дар ноҳияи Зафаробод оғоз гардид
Бонки Осиёии Рушд механизми маблағгузории таҷдиди марзҳо ва мусоидат ба тиҷорат дар минтақаи ҲИМОМ-ро тасдиқ намуд
Рушди молияи давлатӣ: аз ташаккули низоми мустақили молиявӣ то идоракунии рақамии буҷет
Дар доираи татбиқи лоиҳаи озмоишӣ платформаи рақамӣ таҳия мегардад
Тоҷикистон ва Хазинаи байналмилалии асъор ҳамкориро дар соҳаи саноат тақвият медиҳанд
Сарвазири Тоҷикистон бо Президенти Фонди ОПЕК оид ба рушди байналмилалӣ мулоқот намуд
35 СОЛИ ИСТИҚЛОЛ ВА МАРҲИЛАИ НАВИ РУШД. Барои ҷомеаи муосири мо ин се даҳсола асри таҳаввулоти ҷиддии фикрӣ, технологӣ ва менеҷмент ба шумор меравад
35 СОЛИ СОҲИБИСТИҚЛОЛИИ ТОҶИКИСТОН. Дар Бадахшон иқтидори энергетикӣ ба 70 МВт расонида шуд
