Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
ДУШАНБЕ, 24.06.2026 /АМИТ «Ховар»/. 23 июн дар шаҳри Бишкеки Қирғизистон нахустин вохӯрии машваратии ниҳодҳои миллии ҳуқуқи инсони давлатҳои аъзои Созмони ҳамкории Шанхай баргузор гардид, ки дар кори он Ваколатдор оид ба ҳуқуқи инсон дар Ҷумҳурии Тоҷикистон Умед Бобозода иштирок намуд. Дар ин хусус ба АМИТ «Ховар» аз Ваколатдор оид ба ҳуқуқи инсон дар Ҷумҳурии Тоҷикистон хабар доданд.
Дар вохӯрӣ дастовардҳои Ҷумҳурии Тоҷикистон дар соҳаи ҳуқуқи инсон, аз ҷумла фаъолияти мақомоти Ваколатдор оид ба ҳуқуқи инсон дар самти ҳифз ва пешбурди ҳуқуқу озодиҳои инсон ва шаҳрванд, ҳамчунин масъалаҳои дигари мавриди назар муаррифӣ гардиданд.
Ҳамзамон дар доираи чорабинӣ Умед Бобозода ба намояндагони воситаҳои ахбори оммаи маҳаллӣ ва байналмилалӣ суҳбат намуда, оид ба таҷрибаи Тоҷикистон дар самти ҳифзи ҳуқуқи инсон маълумот дод .
Чорабинӣ барои таҳкими робитаҳои байни ниҳодҳои миллии ҳуқуқи инсони давлатҳои аъзои Созмони ҳамкории Шанхай, мубодилаи таҷрибаи пешқадам дар соҳаи ҳифз ва пешбурди ҳуқуқи инсон заминаи мусоид фароҳам хоҳад овард.
Инчунин дар ҳамин рӯз вохӯрии Ваколатдор оид ба ҳуқуқи инсон дар Ҷумҳурии Тоҷикистон Умед Бобозода ва Ваколатдор оид ба ҳуқуқи инсони Федератсияи Русия Яна Лантратова баргузор шуд.
Дар мулоқот ҷонибҳо масъалаҳои марбут ба таҳкими ҳамкории дуҷониба, мубодилаи таҷриба дар самти ҳифзи ҳуқуқу озодиҳои инсон ва дурнамои рушди ҳамкориро мавриди баррасӣ қарор доданд.
Дар доираи чорабинӣ ҳамчунин ҳайатҳои иштирокчии вохӯрӣ аз ҷониби Раиси Жогорку Кенеши Ҷумҳурии Қирғизистон Марлен Маматалиев ба ҳузур пазируфта шуданд.
Дар ин мулоқот Ваколатдор оид ба ҳуқуқи инсон дар Ҷумҳурии Тоҷикистон Умед Бобозода низ иштирок намуд. Зимни вохӯрӣ масъалаҳои таҳкими ҳамкории минтақавӣ, рушди муносибатҳои дӯстона ва нақши ниҳодҳои миллӣ дар ҳифзи ҳуқуқи инсон мавриди баррасӣ қарор гирифтанд.
АКС: Ваколатдор оид ба ҳуқуқи инсон дар Ҷумҳурии Тоҷикистон
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
