Вазорати нақлиёт Маркази байналмилалии тамосро бо истифода аз зеҳни сунъӣ дар шакли озмоишӣ фаъол намуд

ДУШАНБЕ, 16.06.2026 /АМИТ «Ховар»/. Дар доираи Солҳои рушди иқтисоди рақамӣ ва инноватсия (2025 – 2030), «Корхонаи воҳиди давлатии «Маркази рақамикунонии соҳаи нақлиёт»-и Вазорати нақлиёти ҷумҳурӣ Маркази байналмилалии тамосро бо истифода аз зеҳни сунъӣ дар шакли озмоишӣ ба роҳ монд. Дар ин хусус АМИТ «Ховар» бо истинод ба Вазорати нақлиёти ҷумҳурӣ хабар медиҳад.

Тибқи иттилои манбаъ, таъсиси Маркази тамос бо рақами кӯтоҳшудаи 8808 раванди гирифтани рухсатномаҳо, роҳхатҳо, борхатҳо ва дархостҳо барои воситаи нақлиётро ҷиҳати интиқоли бор навсозӣ мекунад.

Барои дастгирии истифодабарандагони низомҳои нақлиётӣ дар шабакаи иҷтимоии Телеграм чат бо номи «Маркази дастгирии иттилоотии истифодабарандагони низомҳои нақлиётӣ» ва бот (ихтисор аз «робот») бо номи «MintransBot» ба роҳ монда шудааст.

АКС: Вазорати нақлиёти Ҷумҳурии Тоҷикистон