35-СОЛАГИИ ИСТИҚЛОЛИ ДАВЛАТӢ. Дар ноҳияи Мир Сайид Алии Ҳамадонӣ мумфаршсозии роҳҳо оғоз гардид
ДУШАНБЕ, 22.07.2026 /АМИТ «Ховар»/. Ба ифтихори ҷашни 35-солагии Истиқлоли давлатии Ҷумҳурии Тоҷикистон дар деҳаи Қаҳрамони Ҷамоати деҳоти Заркӯҳи ноҳияи Мир Сайид Алии Ҳамадонӣ мумфаршсозии роҳҳои дохилии деҳа оғоз гардид. Дар ин хусус АМИТ «Ховар» бо истинод ба хадамоти матбуоти Раиси вилояти Хатлон хабар медиҳад.
Ин иқдоми муҳим бо дастгирии мақомоти иҷроияи ҳокимияти давлатии ноҳия, саҳми сокинони деҳа ва шахсони саховатпеша амалӣ мегардад. Ҳадафи асосии он беҳтар намудани вазъи роҳҳои маҳаллӣ, фароҳам овардани шароити мусоид барои ҳаракати воситаҳои нақлиёт ва пиёдагардон, инчунин баланд бардоштани сатҳи зиндагии аҳолӣ мебошад.
Роҳҳои дохилии деҳаи Қаҳрамон солҳои зиёд ба таъмиру навсозӣ ниёз доштанд. Бо оғози корҳои мумфаршсозӣ яке аз мушкилоти асосии сокинон, бахусус дар айёми барфу борон тадриҷан бартараф мегардад. Пас аз анҷоми корҳо рафтуомади сокинон, аз ҷумла хонандагони муассисаҳои таълимӣ, беморон, пиронсолон ва дигар шаҳрвандон тавассути ин роҳ осонтару бехатар хоҳад шуд.
Иброз гардид, ки чунин корҳои созандагӣ самараи сиёсати бунёдкоронаи давлат буда, барои рушди инфрасохтори деҳот ва беҳтар гардидани шароити иҷтимоии мардум заминаи мусоид фароҳам меорад. Сокинони деҳа бо ҳисси баланди ватандӯстӣ ва масъулиятшиносӣ дар корҳои ободонӣ фаъолона иштирок намуда, дар пешрафти маҳалли зисташон саҳми арзанда мегузоранд.
Корҳои мумфаршсозӣ бо риояи талаботи техникӣ ва мутобиқ ба нақшаи тасдиқшуда марҳила ба марҳила идома дошта, роҳҳои асосии дохилии деҳа пурра навсозӣ хоҳанд шуд. Ин тадбир ба беҳтар гардидани инфрасохтори нақлиётӣ, рушди фаъолияти иқтисодӣ ва баланд шудани сатҳи хизматрасонӣ ба аҳолӣ низ мусоидат мекунад.
Дар ноҳияи Мир Сайид Алии Ҳамадонӣ созандагию бунёдкорӣ дар ҳама ҷамоатҳои деҳот вусъати тоза гирифтааст. Бунёду навсозии роҳҳо, иншооти иҷтимоӣ, сабзазоркунӣ ва дигар корҳои созандагӣ аз ҷумлаи иқдоме мебошанд, ки бо ҳамбастагии сокинон амалӣ гардида, симои деҳаву маҳалҳоро боз ҳам зебову обод мегардонанд.
АКС: Хадамоти матбуоти Раиси вилояти Хатлон
Сафири Тоҷикистон бо донишҷӯён ва омӯзгорони Донишгоҳи давлатии Ош мулоқот намуд
Дар Коллеҷи омори шаҳри Ваҳдат оид ба рушд ва такмили низоми омори миллӣ дар замони соҳибистиқлолӣ конференсияи ҷумҳуриявӣ доир шуд
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар ноҳияи Бобоҷон Ғафуров бунгоҳи тиббӣ, муассисаи таълимӣ ва маркази ташхисӣ ба истифода дода шуданд
Дар ноҳияи Спитамен иншооти таъйиноти гуногун мавриди истифода қарор дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Дар вилояти Суғд лоиҳаҳои бузург дар соҳаи роҳу нақлиёт амалӣ гардиданд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
