Ҳайати Ҷумҳурии Тоҷикистон бо иқтидори саноатии вилояти Брест шинос гардид

Июль 31, 2026 10:41

ДУШАНБЕ, 31.07.2026 /АМИТ «Ховар»/. Дар доираи ҷаласаи 19-уми Комиссияи байниҳукуматии Тоҷикистону Беларус оид ба ҳамкории  тиҷоратию иқтисодӣ ҳайати Ҷумҳурии Тоҷикистон бо якчанд корхонаи пешқадами саноатии вилояти Брест шинос шуд.

Тавре ба АМИТ «Ховар» аз Сафорати Тоҷикистон дар Беларус хабар доданд, аъзои ҳайат бо минтақаи озоди иқтисодии “Брест”, Корхонаи хусусии истеҳсолию тиҷоратии воҳиди “Сифания-Экотехника”, гурӯҳи ширкатҳои “СТиМ”, инчунин Корхонаи воҳиди “Гефест-Техника” шинос шуданд.

Зимни боздид аъзои ҳайати Тоҷикистон бо иқтидори истеҳсолии корхонаҳо, технологияҳои муосир, маҳсулоти истеҳсолшаванда ва иқтидори содиротии онҳо шинос шуданд. Дар доираи шиносоӣ таваҷҷуҳи махсус ба масъалаҳои маҳаллисозии истеҳсолот, ҷорӣ намудани технологияҳои инноватсионӣ, рушди ҳамкории саноатӣ ва тавсеаи ҳамкории сармоягузорӣ зоҳир гардид.

Намояндагони корхонаҳо дар бораи фаъолият, лоиҳаҳои амалишаванда ва дурнамои ҳамкорӣ ба шарикони тоҷикистонӣ маълумот пешниҳод намуда, барои рушди ҳамкории мутақобили судманд изҳори омодагӣ карданд.

Боздид аз иншооти саноатии вилояти Брест имкон фароҳам овард, ки самтҳои ояндадори ҳамкории амалӣ байни доираҳои соҳибкории Ҷумҳурии Тоҷикистон ва Ҷумҳурии Беларус муайян гардида, ҳамзамон манфиати мутақобили ҷонибҳо барои рушди минбаъдаи робитаҳои тиҷоратию иқтисодӣ ва сармоягузорӣ бори дигар таъкид  карда шуд.

АКС: Сафорати Тоҷикистон дар Беларус

Июль 31, 2026 10:41

Хабарҳои дигари ин бахш

Дар Душанбе ҳамкории Тоҷикистон ва Иёлоти Муттаҳидаи Амрико баррасӣ гардид
Директори АМИТ «Ховар» бо Сафири Туркия дар Тоҷикистон вохӯрӣ намуд
Дурнамои рушди ҳамкории Тоҷикистону Умон дар самтҳои иқтисоду тиҷорат баррасӣ гардид
Сафири Тоҷикистон бо муовини парлумонии Вазири корҳои хориҷии Ҷопон мулоқот намуд
Донишҷӯёни тоҷик дар Донишгоҳи Кувайт тавассути бурсия таҳсил менамоянд
Рӯзи Президенти Ҷумҳурии Тоҷикистон ва 15-солагии ифтитоҳи бинои Сафорат дар шаҳри Берлин таҷлил гардид
Сарвазири Покистон бо Вазири корҳои хориҷии Тоҷикистон вохӯрӣ намуд
Ҳайати Тоҷикистон дар ҷаласаи вазирони корҳои хориҷии Созмони ҳамкории иқтисодӣ иштирок намуд
Сафири Тоҷикистон бо Мудири кулли идораи амлок ва абнияи вазорати корҳои хориҷии Эрон вохӯрӣ намуд
Дар Сеул Рӯзи Президенти Ҷумҳурии Тоҷикистон таҷлил карда шуд
Сафири Тоҷикистон бо сардабири маҷаллаи фарҳангии «Ал-Арабӣ»-и Кувайт вохӯрӣ намуд
Дар Москва Рӯзи Президенти Ҷумҳурии Тоҷикистон таҷлил карда шуд