Ҳамкории Китобхонаи миллии Тоҷикистон ва Донишгоҳи Ҳанкуки Кореяи Ҷанубӣ густариш меёбад
ДУШАНБЕ, 16.07.2026 /АМИТ «Ховар»/. Дар Китобхонаи миллии Тоҷикистон гӯшаи китобҳои Корея мавҷуд буда, хоҳишмандон дар маркази омӯзиши забонҳои хориҷӣ ба омӯзиши забони кореягӣ фаро гирифта мешаванд. Дар ин хусус директори Китобхонаи миллии Тоҷикистон Лутфия Абдулхолиқзода зимни вохӯрӣ бо намояндагони Донишгоҳи забонҳои хориҷии Ҳанкуки Кореяи Ҷанубӣ Саера Кван ва Чу Дайон иттилоъ дод.
Иброз гардид, ки дар китобхона шуъбаи дастхатҳои Шарқ фаъолият мекунад, ки дорои беш аз 2000 дастнавис мебошад. Бештари ин дастнависҳо чопи сангӣ буда, қадимтарин дастхат китоби «Таърихи Табарӣ»-и Муҳаммад Ҷарири Табарӣ мебошад. Он дар асрҳои XIII-XIV милодӣ бо хати настаълиқ китобат шудааст, ки яке аз нусхаҳои нодир дар фонди шуъба маҳсуб мешавад.
Ҳайати Донишгоҳи забонҳои хориҷии Ҳанкуки Кореяи Ҷанубӣ изҳор доштанд, ки донишгоҳи онҳо тақрибан бо 100 кишвари ҷаҳон ҳамкорӣ дорад.
Донишгоҳ дар ҷаҳон бо сифати баланди таълими забонҳо ва муносибатҳои байналмилалӣ шинохта шуда, донишҷӯёнаш метавонанд дар барномаи мубодилаи академӣ иштирок намоянд.
Иттилоъ дода шуд, ки дар донишгоҳ беш аз 45 забони хориҷӣ, аз ҷумла забонҳои Африқо ва Осиёи Марказӣ таълим дода мешавад.
Ҳадафи сафари намояндагони Донишгоҳи забонҳои хориҷии Ҳанкуки Кореяи Ҷанубӣ анҷом додани пажӯҳиши илмӣ ва омӯзиши адабиёти марбут ба давраи Сомониён ва ҳамкории судманди дуҷониба мебошад.
АКС: Китобхонаи миллии Тоҷикистон
35-СОЛАГИИ ИСТИҚЛОЛИ ДАВЛАТӢ. Кинотеатри «Ватан» навсозӣ ва бо технологияи муосири намоиши филмҳо муҷаҳҳаз гардонида шуд
Рӯзи фарҳанги вилояти Хатлон бо шукуҳу шаҳомати хос баргузор гардид
Таҳти унвони «Нақши китобхонаҳои шахсӣ дар рушди китобдории миллати тоҷик дар замони ҷаҳонишавӣ» ҳамоиш доир шуд
Пагоҳ дар Душанбе Рӯзи фарҳанги вилояти Хатлон баргузор мешавад
Соли 2027 дар Тоҷикистон Рӯзҳои фарҳанги Покистон баргузор мегарданд
«АЗ СУЛҲИ ТОҶИКОН ТО СУЛҲИ ҶАҲОН». Таҳти чунин унвон дар Душанбе конфронси илмӣ-амалӣ доир шуд
«Барномаи рушди мактабҳои бачагонаи мусиқӣ, рассомӣ, санъат ва мактаб-интернатҳои миёнаи махсуси ҷумҳуриявии мусиқӣ ва санъат дар Ҷумҳурии Тоҷикистон барои солҳои 2027-2031» қабул гардид
Аз ҳудуди ноҳияи Данғара ёдгории нодири меъмории мансуб ба асрҳои IX–XII ёфт гардид
Дар Душанбе бахшида ба 35-солагии Истиқлолияти давлатӣ ҳамоиши тантанавӣ баргузор гардид
29 август дар Душанбе Рӯзи фарҳанги вилояти Хатлон баргузор мешавад
«ЯК МЕРОС, ДУ САРЗАМИН». Намоишгоҳи муштараки маҷозии Тоҷикистон ва Эрон ифтитоҳ ёфт
Оид ба таҳаввули мутолиаи китоб дар даврони Истиқлолияти давлатӣ маҳфили адабӣ баргузор гардид
