Ба истиқболи 35-солагии Истиқлоли давлатӣ бинои беназир дар минтақа — Театри миллии Тоҷикистон ба истифода дода мешавад
ДУШАНБЕ, 06.07.2026 /АМИТ «Ховар»/. Моҳи сентябр ҷашни фархундаи миллат — 35-солагии Истиқлоли давлатӣ таҷлил мегардад. Барои дар сатҳи баланд ҷашн гирифтани ин санаи таърихӣ кадом барномаҳои фарҳангӣ доир мегарданд? Дар посух ба ин саволи хабарнигори АМИТ «Ховар» Фирӯза Давлатзода имрӯз зимни нишасти матбуотӣ Вазири фарҳанги Ҷумҳурии Тоҷикистон Матлубахон Сатториён чунин гуфт:
-Барои дар сатҳи баланд ва бо шукуҳу шаҳомати хоса таҷлил намудани 35-солагии Истиқлоли давлатӣ тамоми мардуми сарбаланд ва банангу номуси Тоҷикистон, аз хурд то бузург, вазорату идораҳо, ташкилоту муассисаҳо, аз ҷумла Вазорати фарҳанги Ҷумҳурии Тоҷикистон низ ҳамаҷониба омодагӣ доранд.
Барои баргузориии ин ҷашни бузурги миллӣ доир намудани чорабиниҳои гуногуни фарҳангию фароғатӣ ба нақша гирифта шудааст. Шуруъ аз боғчаҳои бачагона, дар тамоми маҳалла, ҷамот ва шаҳру вилоятҳои ҷумҳурӣ ҳамоишҳои гуногун баргузор мегарданд. Инчунин баргузории барномаҳои фарҳангӣ ва ҳамоишҳои ҷумҳуриявӣ ба нақша гирифта шудааст. Яке аз чорабиниҳои сатҳи ҷумҳуриявӣ — ин кушодашавии Театри миллии Тоҷикистон мебошад.
Дар тақвияти ин мавзӯъ сардори Раёсати санъати Вазорати фарҳанги Тоҷикистон Мирзоолим Саидов иброз дошт, ки «бахшида ба 35-солагии Истиқлоли давлатӣ силсилачорабиниҳои гуногун, аз ҷумла роҳпоймоии осоишта низ доир мегардад. Дар роҳпаймоӣ аз тамоми қишрҳои ҷомеа, шуруъ аз аҳлу фарҳанг, варзишгарон, намояндагони касбу кори гуногун, фаъолони ҷомеа ва донишҷӯён иштирок мекунанд».
«Айни замон марҳилаи раванди корҳои тадорукотӣ ва ташкилии роҳпаймоии осоишта идома дорад. Айни замон мушаххас гуфта наметавонем, ки дар ин ҳамоиш чанд нафар иштирок мекунанд. Бо анҷом шудани корҳо, кумитаи тадорукоти чорабинӣ дар ин хусус расман эълон мекунад», — афзуд Мирзоолим Саидов.
Боят гуфт, ки соли 2026 соли таърихӣ – соли ҷашни 35-солагии Истиқлоли давлатӣ аст. Тайи панҷ соли охир тамоми қишрҳои ҷомеа барои сазовор истиқбол намудани ин санаи таърихӣ сарҷамъона заҳмат кашида, корҳои бузургро анҷом дода истодаанд.
Тавре Президенти Ҷумҳурии Тоҷикистон муҳтарам Эмомалӣ Раҳмон таъкид намуданд: «Ҳар як шаҳрванд ва ҳар як оила бояд бо дарки масъулияти ватансозиву давлатсозӣ, пеш аз ҳама, хонаву кошона ва кӯчаву маҳалли зисти худро таъмиру тармим ва тозаву озода намояд. Ҳар як фарди ҷомеа бояд ба ифтихори ин ҷашни муқаддас барои пешрафти давлати худ ва ободии Ватани азизи хеш кори некеро анҷом дода, созандаву бунёдкор ва соҳиби фарҳангу тамаддуни бостонӣ будани миллати тоҷикро нишон диҳад».
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон муассисаи таълимии хусусии литсейи «Идрок»-ро ифтитоҳ намуданд
Пешвои миллат Эмомалӣ Раҳмон ба таври фосилавӣ дар ноҳияҳои Шаҳристон ва Айнӣ 9 иншоотро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон муассисаи таҳсилоти томактабии хусусии «Ғунчаи баҳор»-ро ба истифода доданд
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншоот дар ноҳияи Бобоҷон Ғафуров ва 13 иншоот дар шаҳри Конибодомро мавриди истифода қарор доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Сарвари давлат Эмомалӣ Раҳмон бинои кумитаи иҷроияи Ҳизби Халқии Демократии Тоҷикистонро дар вилояти Суғд мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
Пешвои миллат Эмомалӣ Раҳмон бо сафари корӣ ба вилояти Суғд ташриф оварданд
Дар ноҳияи Шоҳмансури шаҳри Душанбе кӯдакистони «Парасту» ифтитоҳ гардид
Ҷилди панҷуми китоби «Таърихи халқи тоҷик» рунамоӣ гардид
