Байни Кумитаи бехатарии озуқавории Тоҷикистон ва Вазорати озуқаворӣ, кишоварзӣ ва саноати сабуки Муғулистон Ёддошти тафоҳум ба имзо расид
ДУШАНБЕ, 22.07.2026 /АМИТ «Ховар»/. Байни Кумитаи бехатарии озуқавории назди Ҳукумати Ҷумҳурии Тоҷикистон ва Вазорати озуқаворӣ, кишоварзӣ ва саноати сабуки Муғулистон Ёддошти тафоҳум оид ба ҳамкорӣ дар соҳаи карантин ва ҳифзи растаниҳо ба имзо раисд.
Ёддошти тафоҳуми мазкур 21 июл дар Муғулистон пас аз анҷоми мулоқоту музокироти сатҳи олӣ байни Тоҷикистон ва Муғулистон табодул карда шуд.
Тавре ба АМИТ «Ховар» аз Кумитаи бехатарии озуқаворӣ хабар доданд, Ёддошти тафоҳум аз 12 модда иборат буда, ҷонибҳо дар соҳаи бехатарии озуқаворӣ барои манфиат ва беҳбуди мардуми ҳар ду давлат ҳамкориро густариш медиҳанд.
Имзои ин санад ба ташкил ва фароҳам овардани шароит дар барқарор намудани равобити бевоситаи субъектҳои соҳаи кишоварзӣ барои содирот ва воридоти маводи таҳти карантинӣ, беҳтар намудани мубориза бар зидди организмҳои зараррасони карантинӣ ва ҳавасманд гардонидани субъектҳои ба содироту воридот машғул мусоидат менамояд.
Инчунин тарафҳо барои расонидани ёрии илмӣ, техникӣ ва машваратӣ ҳангоми гузаронидани чорабиниҳо оид ба ошкоркунӣ, пешгирӣ ва нобудсозии организмҳои зараррасони карантинӣ, мубодилаи таҷриба ва иттилоот бо мақсади таҳкими иқтидори таҳқиқоти нозиротӣ ва озмоишгоҳӣ дар соҳаи карантин ва ҳифзи растаниҳо ба мувофиқа расиданд.
Ёдовар мешавем, ки 21 июл пас аз анҷоми мулоқоту музокироти сатҳи олӣ байни Тоҷикистон ва Муғулистон маросими табодули санадҳои нави ҳамкорӣ баргузор шуд. Дар ҳузур ва бо иштироки Президенти Ҷумҳурии Тоҷикистон муҳтарам Эмомалӣ Раҳмон ва Президенти Муғулистон муҳтарам Ухнаагийн Хурэлсух 12 санад табодул карда шуд.
АКС: АМИТ «Ховар»
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
