«Барномаи рушди соҳаҳои кирмакпарварӣ ва коркарди пилла барои солҳои 2026–2030» панҷ самтро фаро мегирад
ДУШАНБЕ, 01.07.2026 /АМИТ «Ховар»/. 30 июн дар Маҷлиси Ҳукумати Ҷумҳурии Тоҷикистон, ки таҳти раёсати Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон баргузор гардид, «Барномаи рушди соҳаҳои кирмакпарварӣ ва коркарди пилла дар Ҷумҳурии Тоҷикистон барои солҳои 2026–2030» қабул гардид, иттилоъ медиҳад АМИТ «Ховар».
Иттилоъ дода шуд, ки Барномаи мазкур панҷ самти асосӣ–ташкил ва рушди боғҳои тут, воридоти тухмии кирмак, парвариши кирмак, истеҳсоли пилла ва маҳсулоти тайёрро фаро гирифта, ба рушди ин соҳа нигаронида шудааст.
Таъкид шуд, ки мақсади асосии Барнома зиёд намудани истеҳсоли пилла, таъмини шуғли аҳолӣ, рушди содирот, ҷалби сармоя ва муосиркунонии технологияҳои коркарди пилла ба шумор меравад.
Татбиқи Барнома шароит фароҳам меорад, ки барои рушди соҳаи кирмакпарварӣ, ки яке аз бахшҳои муҳими кишоварзӣ ва саноати сабуки мамлакат ба ҳисоб меравад, мусоидат намояд. Инчунин барои афзоиши истеҳсоли ашёи хоми ватанӣ ва баланд бардоштани рақобатпазирии маҳсулоти пиллагӣ заминаи мусоид фароҳам меорад.
Коркарди пилла низ яке аз омилҳои муҳими татбиқи ҳадафҳои стратегии мамлакат дар самти саноатикунонии босуръат, рушди истеҳсолоти ватанӣ ва баланд бардоштани арзиши иловагии маҳсулоти кишоварзӣ мебошад.
Дар доираи амалишавии Барнома барои рушди инфрасохтори соҳа, дастгирии истеҳсолкунандагон, истифодаи технологияҳои муосир ва тақвияти ҳамкории давлат бо бахши хусусӣ амалӣ карда мешаванд.
Ҳамчунин барои таъсиси ҷойҳои нави корӣ, баланд бардоштани даромади аҳолии деҳот ва афзоиши иқтидори содиротии мамлакат тадбирҳои зарурӣ пешбинӣ шудаанд.
Ёдовар мешавем, ки соли 2022 номинатсияи муштараки Тоҷикистон «Кирмакпарварӣ ва истеҳсоли анъанавии абрешим барои бофандагӣ» ба Феҳристи мероси фарҳанги ғайримоддии башарият ворид гардид.
АКС: Хадамоти матбуоти Президенти Ҷумҳурии Тоҷикистон








Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад
Ҳаҷми истеҳсоли маҳсулоти кишоварзӣ дар Хатлон ба 42,5 миллиард сомонӣ баробар шуд
Тоҷикистон ният дорад то соли 2035 партовҳои газҳои гулхонаиро то 40 фоиз коҳиш диҳад






