Барои омӯзгорону донишҷӯёни Донишгоҳи давлатии Кӯлоб хобгоҳи 10-ошёна сохта мешавад
ДУШАНБЕ, 30.07.2026 /АМИТ «Ховар»/. Дар доираи тадбирҳои созандагии Ҳукумати Ҷумҳурии Тоҷикистон бунёди бинои нави таълимӣ ва хобгоҳи муосири 10-ошёна барои омӯзгорону донишҷӯён аз ҷониби Муассисаи давлатии «Дирексияи сохтмони иншооти ҳукуматӣ»-и Дастгоҳи иҷроияи Президенти Ҷумҳурии Тоҷикистон идома дорад. Дар ин хусус Ректори Донишгоҳи давлатии Кӯлоб ба номи Абуабдуллоҳи Рӯдакӣ Мунир Сафарзода зимни нишасти матбуотӣ иттилоъ дод.
Иброз гардид, ки бо мақсади таҳкими заминаи моддию техникӣ 58 синфхона пурра таъмиру таҷдид гардида, дар доираи иқдоми донишгоҳии «Пайванди наслҳо» 33 синфхона ва якчанд озмоишгоҳ таҷдид шуда, ба номи устодони собиқадори донишгоҳ гузошта шуданд.
Имрӯз дар донишгоҳ 63 ихтисос амал намуда, шумораи умумии донишҷӯён ба 10 032 нафар расидааст. Натиҷаи сессияи тобистонаи хатмкунандагони шуъбаи рӯзона 83 фоизро ташкил дода, сифати таҳсил низ нисбат ба соли 2025 беҳтар гардидааст.
Иттилоъ дода шуд, ки 493 омӯзгор ба корҳои илмӣ-таҳқиқотӣ машғул буда, дар нимсолаи якум 14 омӯзгор рисолаи номзадӣ ҳимоя намуда, 6 нафар соҳиби унвони илмии дотсент гардид. Ҳамзамон аз рӯйи нишондиҳандаи фаъолияти муассисаҳо ҳамчун муассисаи тақриздиҳандаи рисолаҳои илмӣ донишгоҳ сазовори мақоми 5-ум гардид.
Дар нишаст таъкид гардид, ки барои рушди малакаҳои касбии омӯзгорон дар маркази таълимӣ-машваратии «Дурахшон» машғулияти ройгони омӯзиши забонҳои хориҷӣ ташкил гардида, пахши дарсҳои видеоӣ тавассути сомонаи донишгоҳ оғоз гардидааст.
АКС аз бойгонӣ
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб корхонаи истеҳсоли нӯшокиҳои ташнагишикани ҶДММ «Мабно»-ро ба истифода доданд
Сарвари давлат Эмомалӣ Раҳмон қисми минтақавии Раёсати Вазорати корҳои дохилии Ҷумҳурии Тоҷикистон дар вилояти Хатлон оид ба гурӯҳи ноҳияҳои Кӯлобро ифтитоҳ намуданд
Пешвои миллат Эмомалӣ Раҳмон бинои Раёсати ҳифзи муҳити зист дар минтақаи Кӯлобро мавриди истифода қарор доданд
Сарвари давлат Эмомалӣ Раҳмон бо сафари корӣ ба шаҳри Кӯлоб ташриф оварданд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар шаҳри Панҷакент сохтмони иншооти иҷтимоӣ вусъат меёбад
Пешвои миллат Эмомалӣ Раҳмон дар ноҳияи Восеъ ба фаъолияти Маркази таълимӣ ва забономӯзии «Ориё» расман оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ боғчаи бачагонаи «Маҳдия»-ро ба истифода супориданд
