Дар доираи сафари давлатии Президенти Тоҷикистон дар Улан-Батор Рӯзҳои фарҳанги Ҷумҳурии Тоҷикистон ифтитоҳ гардиданд
ДУШАНБЕ, 20.07.2026 /АМИТ «Ховар»/. Дар доираи сафари давлатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Муғулистон, 20 июл дар шаҳри Улан-Батор маросими ифтитоҳи Рӯзҳои фарҳанги Ҷумҳурии Тоҷикистон баргузор гардид, хабар медиҳад АМИТ «Ховар».
Рӯзҳои фарҳанги Ҷумҳурии Тоҷикистон дар Муғулистон, ки то 22 июл идома меёбад, бо мақсади таҳким бахшидани робитаҳои фарҳангии ду давлат, густариши ҳамкории башардӯстона ва муаррифии мероси ғании таърихиву фарҳангии халқи тоҷик доир карда мешаванд.
Пеш аз оғози барномаи фарҳангӣ намоиши Рӯзҳои фарҳанги Ҷумҳурии Тоҷикистон ифтитоҳ ёфт. Дар он мусаввараҳо ва аксҳое ба маърази тамошо гузошта шуданд, ки таъриху тамаддун, фарҳангу анъанаҳои миллӣ, урфу одат, дастовардҳои даврони соҳибистиқлолӣ ва манзараҳои зебои Тоҷикистонро инъикос менамоянд.
Дар маросими ифтитоҳ Вазири фарҳанги Ҷумҳурии Тоҷикистон Матлубахон Сатториён ва Вазири фарҳанг, варзиш, сайёҳӣ ва кор бо ҷавонони Муғулистон Жуковин Алдаржавхлан иштирок намуда, ба Рӯзҳои фарҳанги Ҷумҳурии Тоҷикистон расман ҳусни оғоз бахшиданд.
Ба муносибати ин рӯйдод барномаи рангини консертӣ бо иштироки ҳунармандони Тоҷикистон пешкаши сокинон ва меҳмонони шаҳри Улан-Батор гардид.
Дар барнома суруду мусиқӣ ва рақсҳои миллӣ, ки бозгӯи фарҳангу ҳунари мардумии тоҷик мебошанд, иҷро гардида, меҳмонони олимақом, намояндагони корпуси дипломатии муқими шаҳри Улан-Батор ва дигар иштирокчиён онҳоро бо хушнудӣ ва истиқболи гарм пазируфтанд.
АКС: Вазорати фарҳанги Ҷумҳурии Тоҷикистон
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
