Дар Донишгоҳи байналмилалии забонҳои хориҷии Тоҷикистон Мактаби тобистонаи байналмилалӣ ба фаъолият оғоз кард
ДУШАНБЕ, 16.07.2026 /АМИТ «Ховар»/. Дар Донишгоҳи байналмилалии забонҳои хориҷии Тоҷикистон ба номи Сотим Улуғзода Мактаби тобистонаи байналмилалии «Забон, адабиёт ва фарҳанги тоҷикӣ» ба фаъолият оғоз кард.
Тавре ба АМИТ «Ховар» аз ин донишгоҳ хабар доданд, имсол дар мактаби тобистона 11 шунаванда аз чор кишвари ҷаҳон иштирок доранд. Аз ҷумла, 7 нафар аз Ҷумҳурии Корея, 2 нафар аз Шоҳигарии Муттаҳидаи Британияи Кабир ва Ирландияи Шимолӣ, 1 нафар аз Федератсияи Русия ва 1 нафар аз Ҷумҳурии Италия барои омӯзиши забони тоҷикӣ, адабиёт ва фарҳанги миллӣ, инчунин хатти ниёгон ба шаҳри Душанбе омадаанд.
Ин ташаббус ба густариши омӯзиши забони тоҷикӣ, муаррифии адабиёт ва фарҳанги миллӣ дар арсаи байналмилалӣ, инчунин таҳкими ҳамкории илмию фарҳангӣ бо муассисаҳои хориҷӣ мусоидат менамояд.
Дар доираи барномаи рӯзи аввал иштирокчиён аз Китобхонаи миллии Тоҷикистон ва Боғи устод Абуабдуллоҳи Рӯдакӣ шинос гардида, бо таърих, адабиёт ва мероси фарҳангии миллати тоҷик аз наздик шинос шуданд.
Тибқи барномаи мактаби тобистона, дар рӯзҳои минбаъда машғулиятҳои назариявию амалӣ, чорабиниҳои фарҳангию маърифатӣ, вохӯриҳо бо олимону адибон ва шиносоӣ бо мавзеъҳои таърихию фарҳангии шаҳрҳои Душанбе, Панҷакент ва Хуҷанд, инчунин мавзеи таърихии Чилдухтарон баргузор мегарданд.
Ташкили Мактаби тобистонаи байналмилалӣ барои иштирокчиён имконияти мусоид фароҳам меорад, то сатҳи дониши худро аз забони тоҷикӣ такмил дода, бо адабиёт, таърих ва фарҳанги миллӣ аз наздик шинос гарданд. Ҳамзамон дар таҳкими робитаҳои илмию фарҳангӣ ва дӯстии байни халқҳо саҳм гузоранд.
АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
Имрӯз бахшида ба Рӯзи омӯзгорон ҳамоиши тантанавӣ баргузор гардид
Эмомалӣ Раҳмон: «Мо ба неруи созандаи аҳли маориф, таҷрибаи устодони рӯзгордида ва талошҳои омӯзгорони ҷавон эътимоди қавӣ дорем»
Донишгоҳи байналмилалии сайёҳӣ ва соҳибкории Тоҷикистон дар рейтинги GreenMetric World University Rankings 2026 ба натиҷаи бесобиқа ноил гардид
