Дар Душанбе ҷалби сармоя ва таъсиси корхонаҳои истеҳсолӣ баррасӣ шуд
ДУШАНБЕ, 11.07.2026 /АМИТ «Ховар»/. Масъалаи ҷалби сармоя ва ворид намудани технологияҳои муосир барои бунёди боғи себ ва таъсиси корхонаҳои истеҳсолӣ дар Тоҷикистон 10 июл зимни вохӯрии Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода бо Раиси Шурои директорони ширкати «Shaanxi Apple Group Co., Ltd.»-и Ҷумҳурии Мардумии Чин Ян Сисюн мавриди баррасӣ гирифт.
Тавре ба АМИТ «Ховар» аз Вазорати рушди иқтисод ва савдои Ҷумҳурии Тоҷикистон хабар доданд, вохӯрӣ бо мақсади татбиқи «Ёддошти тафоҳум оид ба ҳамкорӣ дар соҳаи агросаноатӣ байни Ҳукумати Ҷумҳурии Тоҷикистон ва ширкати «Shaanxi Apple Group Co., Ltd.», ки 11 майи соли 2026 дар шаҳри Пекин ба имзо расидааст, баргузор гардид.
Абдураҳмон Абдураҳмонзода иброз намуд, ки бо дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон дар мамлакат барои бунёди боғу токзор тамоми имконият фароҳам оварда шуда, иқлими Тоҷикистон барои бунёди боғҳо, бахусус боғи себ мусоид мебошад.
Раиси Шурои директорони ширкати «Shaanxi Apple Group Co., Ltd.» -и Ҷумҳурии Мардумии Чин барои ба роҳ мондани ҳамкории дарозмуддат, ҷалби сармоя ва ҷорӣ намудани технологияҳои муосир барои бунёди боғи себ ва таъсиси корхонаҳои истеҳсолӣ изҳори омодагӣ намуд.
Дар вохӯрӣ масъалаи таъсиси корхонаҳои истеҳсолӣ бо истифода аз технологияҳои нави муосир дар минтақаҳои озоди иқтисодии мамлакат низ мавриди баррасӣ қарор гирифт.
АКС: Вазорати рушди иқтисод ва савдои Ҷумҳурии Тоҷикистон
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
