Дар Душанбе Машварати чоруми вазирони саноати давлатҳои аъзои Созмони ҳамкории иқтисодӣ доир мешавад
ДУШАНБЕ, 15.07.2026 /АМИТ «Ховар»/. 22-23 сентябри соли 2026 дар шаҳри Душанбе Машварати чоруми вазирони саноати давлатҳои аъзои Созмони ҳамкории иқтисодӣ баргузор мегардад. Дар ин хусус Вазири саноат ва технологияҳои нави Ҷумҳурии Тоҷикистон Шералӣ Кабир зимни нишасти матбуотӣ ба намояндагони расонаҳои хабарӣ иттилоъ дод.
Гуфта шуд, ки барои иштирок дар ин чорабинии сатҳи баланд ба кишварҳои аъзо ва шарикон даъватнома ирсол гардидааст.
Инчунин баргузории ҷаласаи гурӯҳи коршиносони сатҳи баланд бо иштироки тақрибан 50 меҳмон пешбинӣ шудааст.
Ҳамзамон соли 2026 пойтахти Тоҷикистон мизбони якчанд форуму намоишгоҳҳо, аз ҷумла форумҳои хӯрокворӣ, нассоҷӣ, зеҳни сунъӣ, маъданҳои кӯҳӣ ва ангишт мегардад.
Бо дахли ҳамкории байналмилалии Вазорати саноат ва технологияҳои нав Шералӣ Кабир иброз дошт, ки бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон барои муаррифии имконоти сармоягузорӣ, ҷалби сармояи хориҷӣ, рушди саноат ва таъсиси ҷойи кор баргузории чорабиниҳои байналмилалӣ дар давраи ҳисоботӣ аҳамияти махсус дошт. Дар ин давра дар доираи сафарҳои сатҳи баланд ва густариши ҳамкории байналмилалӣ 3 санади ҳамкорӣ, аз ҷумла Нақшаи чорабиниҳо байни Вазорати саноат ва технологияҳои нави Ҷумҳурии Тоҷикистон ва Вазорати тиҷорати Ҷумҳурии Мардумии Чин оид ба ҳамкорӣ дар соҳаи маъданҳои «сабз» (2026–2028), Нақшаи чорабиниҳо оид ба татбиқи созишнома байни Тоҷикистон ва Узбекистон дар соҳаи технология ва инноватсия (2026–2028) ва Нақшаи чорабиниҳо оид ба татбиқи Ёддошти тафоҳум байни Тоҷикистон ва Узбекистон дар соҳаи саноати кӯҳӣ ва технологияҳои нав (2026–2028) ба имзо расиданд.
Дар ин давра ҳамчунин ҷаласаҳои комиссияҳои байниҳукуматӣ бо Русия, Узбекистон, Озарбойҷон, Туркманистон, Қирғизистон, Эрон, Покистон ва Ҳиндустон баргузор гардида, масъалаҳои рушди ҳамкории саноатӣ баррасӣ шуданд.
Ҳамзамон роҳбарияти Вазорати саноат ва технологияҳои нави Ҷумҳурии Тоҷикистон ва корхонаҳои он дар форумҳои сармоягузорӣ бо иштирокми Чин ва Узбекистон фаъолона иштирок намуда, якчанд санадҳои ҳамкорӣ ба имзо расониданд. Лоиҳаҳои созишнома бо якчанд давлат дар марҳилаи мувофиқа қарор доранд.
Дар ин давра ҳайати Ҷумҳурии Тоҷикистон дар чорабиниҳои байналмилалӣ, аз ҷумла Машварати вазирони саноати Иттиҳоди Давлатҳои Мустақил ва Созмони ҳамкории Шанхай ва намоишгоҳҳои саноатӣ дар шаҳрҳои Остона, Бишкек ва Чолпон-Ота иштирок намуд.
Дар маҷмуъ, дар ин давра таваҷҷуҳи вазорат ба таҳкими ҳамкории байналмилалӣ, ҷалби сармоя ва рушди саноат равона гардид, ки он ба пешбурди ҳадафи саноатикунонии босуръати мамлакат мусоидат менамояд.
Марзия САИДЗОДА,
АМИТ «Ховар»
АКС: АМИТ «Ховар»
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
СОЛҲОИ РУШДИ САНОАТ. Дар шаҳри Кӯлоб 77 корхонаи саноатӣ фаъолият менамояд
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Фаъолияти босамари корхонаи муштараки «Зарафшон»-и Панҷакент ба рушди саноат нигаронида шудааст
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
