Дар Маркази тадқиқоти стратегӣ низоми нави андозбандии электронӣ баррасӣ шуд
ДУШАНБЕ, 09.07.2026 /АМИТ «Ховар»/. Дар Маркази тадқиқоти стратегии назди Президенти Ҷумҳурии Тоҷикистон бо иштироки намояндагони вазорату идораҳои дахлдор оид ба тартиби амалисозии реҷаи махсуси танзимӣ дар доираи лоиҳаи озмоишии андозбандии соҳибкорони инфиродӣ ҳамоиш доир шуд.
Тавре ба АМИТ «Ховар» аз Маркази тадқиқоти стратегии назди Президенти Ҷумҳурии Тоҷикистон хабар доданд, дар ҳамоиш масъалаҳои вобаста ба хизматрасониҳои давлатии электронӣ, истифодаи ҳамёнҳои электронӣ, рушди ҳисоббаробаркуниҳои ғайринақдӣ, имтиёзҳои андозӣ ва дигар масъалаҳои марбут ба рақамикунонии низоми андоз баррасӣ шуд.
Иброз гардид, ки дар шароити рушди босуръати иқтисоди рақамӣ татбиқи механизмҳои нави андозбандӣ барои содагардонии муносибатҳои андозсупорандагон, баланд бардоштани сатҳи риояи қонунгузории андоз, таъмини шаффофияти фаъолияти соҳибкорӣ ва беҳтар намудани маъмурикунонии андоз аҳамияти махсус дорад. Аз ин рӯ, ҳадаф аз баргузори ҳамоиш низ гузаронидани корҳои фаҳмондадиҳӣ оид ба тартиби амалисозии реҷаи махсуси танзимӣ дар доираи лоиҳаи озмоишӣ дар самти андозбандии соҳибкорони инфиродӣ, истифодаи хизматрасониҳои давлатии электронӣ, инчунин баррасии дигар масъалаҳои марбут ба андозбандӣ мебошад.
Инчунин андозсупорандагон метавонанд қисми зиёди хизматрасониҳои заруриро ба таври фосилавӣ дастрас намоянд, эъломияҳо ва ҳисоботҳои андозиро пешниҳод кунанд, маълумоти заруриро дастрас намоянд ва пардохтҳои андозиро бидуни муроҷиати мустақим ба мақомоти андоз анҷом диҳанд. Истифодаи хизматрасониҳои давлатии электронӣ ба соҳибкорони инфиродӣ имкон медиҳад, ки фаъолияти худро самараноктар ба роҳ монанд. Бо назардошти ин, рушди хизматрасониҳои давлатии электронӣ ва татбиқи реҷаи махсуси танзимӣ ба рушди иқтисоди рақамӣ ва беҳтар гардидани муҳити соҳибкорӣ мусоидат менамояд.
Иттилоъ дода шуд, ки аз 1 сентябри соли равон амалиётҳои тиҷоратии соҳибкорони инфиродӣ, ки тавассути ҳамёнҳои электронӣ анҷом дода мешаванд, тибқи низоми нави андозбандӣ амалӣ мегарданд. Интиқолҳои маблағ байни шахсони воқеӣ тавассути ҳамёнҳои электронӣ ҳоло ва минбаъд низ аз андоз озод боқӣ мемонанд.
Тибқи лоиҳаи озмоишӣ, меъёри андоз барои соҳибкорони инфиродӣ аз 6 фоиз то 3 фоиз коҳиш дода мешавад. Ҳамчунин барои ҳавасмандгардонии истифодаи пардохтҳои ғайринақдӣ 1 фоиз аз маблағи пардохт дар шакли кешбэк ба харидор баргардонида мешавад.
АКС: Маркази тадқиқоти стратегии назди Президенти Ҷумҳурии Тоҷикистон
Имсол теъдоди муассисаҳои фарматсевтӣ ва дорухонаҳо нисбат ба ҳамин давраи соли гузашта 61 адад зиёд гардидааст
Дар ноҳияи Фирдавсӣ 3244 нафар ба сафи Ҳизби Халқии Демократии Тоҷикистон қабул гардиданд
НИШАСТИ МАТБУОТӢ. Дар соҳаи тандурустӣ навовариҳо амалӣ гардиданд
НИШАСТИ МАТБУОТӢ. Дар шаш моҳи соли равон шумораи хизматчиёни давлатӣ аз ҳисоби занон афзоиш ёфтааст
НИШАСТИ МАТБУОТӢ. Бахшида ба ҷашни 35-солагии Истиқлоли давлатӣ беш аз 31 ҳазор иншоот ба истифода дода шуд
Беш аз 2970 нафар дар асоси иҷрои Қонуни Тоҷикистон «Дар бораи авф» ба озодӣ баромаданд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Шабакаи алоҳидаи телевизионии таълими забонҳои хориҷӣ таъсис меёбад
Дар Ваколатдор оид ба ҳуқуқи инсон бахшида ба ташаббуси навбатии ҷаҳонии Тоҷикистон ҳамоиш баргузор гардид
Дар Тоҷикистон 15 телевизион ва 10 радиои давлатӣ, 16 телевизион ва 25 радиои хусусӣ фаъолият доранд
Бо риояи қоидаҳои одӣ худро аз таъсири гармӣ муҳофизат намоед
