Дар Намоишгоҳи иқтисодии «Янлин» гӯшаи маҳсулоти кишоварзии Тоҷикистон ташкил гардид
ДУШАНБЕ, 17.07.2026 /АМИТ «Ховар»/. Дар Ҷумҳурии Мардумии Чин Намоишгоҳи иқтисодии «Янлин» доир шуд, ки дар он гӯшаи маҳсулоти кишоварзии Ҷумҳурии Тоҷикистон ташкил гардидааст. Дар ин хусус ба АМИТ «Ховар» аз хадамоти матбуоти Раиси вилояти Суғд иттилоъ доданд.
Намояндагони вилояти Суғди Ҷумҳурии Тоҷикистон, ки дар Чин қарор доранд, ин намоишгоҳро тамошо намуданд. Гуфта шуд, ки минтақаи намоишии «Янлин» — аввалин ва ягона парки миллии намоишии агротехнологияҳои олӣ дар Чин ба ҳисоб рафта, маркази асосии тадқиқоти кишоварзӣ, инчунин пойгоҳи Созмони ҳамкории Шанхай барои мубодилаи технологияҳои аграрӣ мебошад.
Ин намоишгоҳ аз соли 1994 инҷониб баргузор шуда, соли 2024 дар он зиёда аз 1800 корхона аз 49 давлати ҷаҳон иштирок намуданд. «Янлин» на танҳо намоишгоҳ, балки шаҳри илмию технологӣ низ аст.
Ҳамзамон дар намоишгоҳ корҳои таҳқиқотӣ дар самти парвариши навъҳои олии моҳӣ гузаронида мешаванд.
Раиси вилояти Суғд Раҷаб Аҳмадзода иброз намуд, ки дар вилоят ба рушди соҳаи моҳипарварӣ диққати махсус дода мешавад.
АКС: Хадамоти матбуоти Раиси вилояти Суғд
Навбати дуюми зеристгоҳи барқии «Навобод» ба истифода дода шуд
Баҳодур Шерализода: «35 соли Истиқлоли давлатӣ барои рушди соҳаи ҳифзи муҳити зист заминаи мусоид гузошт»
Дар Тоҷикистон платформаи рақамии ватании ZARZO барои ҳисоб ва идоракунии лоиҳаҳои кишоварзӣ таҳия мегардад
Дар Душанбе Фестивали зеҳни сунъӣ ва технологияҳои рақамӣ -«AI ALLEY» баргузор гардид
Дар Тоҷикистон содироти маҳсулот дар сатҳи устувори рушд ва афзоиш қарор гирифт
Дар Душанбе оид ба рушди алоқа, инноватсия ва технологияҳои рақамӣ ҳамоиши тантанавӣ баргузор шуд
Дар даврони соҳибистиқлолии Тоҷикистон боғу токзори нав 2,3 баробар зиёд гардид
Раиси Палатаи ҳисоби Тоҷикистон дар машварати байналмилалӣ дар Чин иштирок намуд
Кормандони соҳаи алоқа бо мукофотҳои давлатӣ сарфароз гардиданд
Беш аз 75 фоизи иқтидори умумии энергетикии Тоҷикистон дар ҳудуди вилояти Хатлон ҷойгир мебошад
Ба ифтихори 35-солагии Истиқлоли давлатӣ сохтмончиёни НБО-и «Роғун» бо мукофотҳои давлатӣ сарфароз гардонида шуданд
Эмомалӣ Раҳмон: «Дар вилояти Хатлон беш аз 100 лоиҳаи сармоягузории давлатӣ амалӣ гардид»
