Дар ноҳияи Айнӣ Боғи фарҳангию фароғатии ба номи Шоҳ Исмоили Сомонӣ ба истифода дода шуд
ДУШАНБЕ, 09.07.2026 /АМИТ «Ховар»/. Дар шаҳраки Зарафшони ноҳияи Айнӣ майдони Парчами давлатӣ ва Боғи фарҳангию фароғатии ба номи Шоҳ Исмоили Сомонӣ мавриди истифода қарор дода шуд. Иншоот аз ҷониби Сарвари давлат муҳтарам Эмомалӣ Раҳмон 7 июли соли равон ба таври фосилавӣ ифтитоҳ гардид, хабар медиҳад АМИТ «Ховар».
Иншооти мазкур ба истиқболи ҷашни умумимиллӣ – 35-солагии Истиқлоли давлатӣ ва бо мақсади таҳкими эҳсоси ватандӯстӣ, арҷгузорӣ ба муқаддасоти миллӣ бунёд гардидааст. Боғи фарҳангию фароғатии ба номи Исмоили Сомонӣ бо ташаббуси мақомоти иҷроияи ҳокимияти давлатии ноҳия дар масоҳати 1,5 гектар бунёд гардида, тибқи лоиҳа дар он муҷассамаи Шоҳ Исмоили Сомонӣ гузошта шуд.
Дар боғ нишастгоҳҳо, фаввораҳо, гулгаштҳо ва нуқтаҳо барои омода намудани таомҳои миллӣ ташкил гардидаанд, ки барои истироҳати бофароғати сокинону меҳмонон мусоидат менамоянд.
Бояд гуфт, ки мутобиқи нақшаи чорабиниҳо, дар ноҳияи Айнӣ бунёди 595 адад иншооти таъиноти гуногуни иҷтимоиву иқтисодӣ пешбинӣ гардида буд. Бо дарназардошти талаботи рушди минбаъдаи ноҳия дар соли 2026 боз 134 адад иншооти иловагӣ ба нақша ворид карда шуд. Ҳамин тариқ, шумораи умумии иншооти ҷашнӣ ба 729 адад расонида шуд.
Бино ба иттилои сардори бахши меъморӣ ва шаҳрсозии Мақомоти иҷроияи ҳокимияти давлатии ноҳияи Айнӣ Шоҳвар Давронов, айни замон аз шумораи умумии иншооти ба нақша гирифташуда 675 адад иншооти таъиноти гуногун мавриди истифода қарор гирифта, дар онҳо 882 ҷойи нави корӣ таъсис дода шудааст. Ин нишондиҳанда 113,4 фоизи нақшаи ибтидоии пешбинишударо ташкил медиҳад, ки аз иҷрои босифат ва натиҷабахши корҳои созандагӣ дар ноҳия шаҳодат медиҳад.
АКС: Хадамоти матбуоти Президенти Ҷумҳурии Тоҷикистон
СОЛҲОИ РУШДИ САНОАТ. Дар шаҳри Кӯлоб 77 корхонаи саноатӣ фаъолият менамояд
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Сарвари давлат Эмомалӣ Раҳмон пас аз анҷоми сафари корӣ дар шаҳру ноҳияҳои минтақаи Кӯлоби вилояти Хатлон ба шаҳри Душанбе баргаштанд
Пешвои миллат Эмомалӣ Раҳмон дар чорабинии тантанавии идона ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб иштирок намуданд
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Пешвои миллат Эмомалӣ Раҳмон бо лоиҳаҳои роҳ ва пулҳои мошингард дар минтақаи Кӯлоб шинос шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
