Дар ноҳияи Бобоҷон Ғафуров корхонаи нави истеҳсоли обҳои ташнагишикан бунёд карда мешавад
ДУШАНБЕ, 30.07.2026 /АМИТ «Ховар»/. Дар ноҳияи Бобоҷон Ғафуров аз ҷониби Ҷамъияти дорои масъулияти маҳдуди «Сирдарё» сохтмони корхонаи нави истеҳсоли обҳои ташнагишикан идома дорад. Дар ин хусус АМИТ «Ховар» бо истинод ба хадамоти матбуоти Раиси вилояти Суғд иттилоъ медиҳад.
Корхона дар 3500 метри мураббаъ сохта шуда, корҳои асосии сохтмонӣ ба анҷом расидаанд. Таҷҳизоти муосири истеҳсолии автоматикунонида аз Аврупо ворид гардида, ҳоло корҳои насби он идома доранд.
Пас аз мавриди истифода қарор гирифтани корхона маҳсулот дар қуттиҳои коғазии тетрапак истеҳсол шуда, 10 ҷойи нави кор таъсис хоҳад ёфт. Ин иқдом барои афзоиши истеҳсоли маҳсулоти рақобатпазири ватанӣ, тавсеаи содирот ва рушди минбаъдаи саноати вилояти Суғд заминаи мусоид фароҳам меорад.
Дар шаҳри Хуҷанд ҳамчунин корхонаи Ҷамъияти дорои масъулияти маҳдуди «Сирдарё» фаъолият дорад.
Дар корхона зиёда аз 60 номгӯй маҳсулот, аз ҷумла афшура, шарбат, нӯшокиҳои ташнагишикан ва сабзавоти консервшуда истеҳсол гардида, қариб 70 нафар бо ҷойи кори доимӣ таъмин мебошанд. Барои истеҳсоли маҳсулоти махсуси кӯдакон ва наврасон низ коргоҳи алоҳида фаъолият дошта, дар он аз меваю сабзавоти ватании сервитамин афшура ва шарбатҳои хушсифат омода карда мешаванд.
Корхона маҳсулоташро бо бренди «Мерси Боку» ба бозор пешниҳод намуда, бо назардошти афзоиши талаботи аҳолӣ ба маҳсулоти аз ҷиҳати экологӣ тоза ҳамасола номгӯй ва ҳаҷми истеҳсолотро зиёд менамояд.
Меваю сабзавот барои коркард тибқи шартнома аз хоҷагиҳои деҳқонӣ ва боғдорони шаҳру ноҳияҳои вилояти Суғд ва дигар минтақаҳои мамлакат дастрас гардида, аз онҳо маҳсулоти рақобатпазири воридотивазкунанда ва содиротӣ истеҳсол карда мешавад.
Дар корхона дар як шабонарӯз то 10 тонна меваю сабзавот қабул ва коркард шуда, маҳсулоти тайёр истеҳсол мешавад. Маҳсулоти корхона бо бренди «Мерси Боку» ба Туркманистон, Қазоқистон, Узбекистон, Қирғизистон ва Федератсияи Русия содирот карда мешавад.
АКС: Хадамоти матбуоти Раиси вилояти Суғд
Пешвои миллат Эмомалӣ Раҳмон дар чорабинии тантанавии идона ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб иштирок намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Пешвои миллат Эмомалӣ Раҳмон бо лоиҳаҳои роҳ ва пулҳои мошингард дар минтақаи Кӯлоб шинос шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
Сарвари давлат Эмомалӣ Раҳмон дар минтақаи озоди иқтисодии Кӯлоб корхонаи истеҳсоли қисмҳои эҳтиётии автомобилӣ ҶДММ «Тоҷик-Алмос»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб марказҳои обтаъминкунӣ ва корезро ба истифода доданд
Пешвои миллат Эмомалӣ Раҳмон ба шаҳри Кӯлоб Беморхонаи хусусии ташхисию табобатии «Мирзоён»-ро ба истифода доданд
