Дар ноҳияи Нуробод намоиши сайёри «Инъикоси обу пирях дар асарҳои рассомони Тоҷикистон» ифтитоҳ гардид
ДУШАНБЕ, 20.07.2026 /АМИТ «Ховар»/. Имрӯз дар бинои Мақомоти иҷроияи ҳокимияти давлатии ноҳияи Нуробод бо ташаббуси Муассисаи давлатии «Осорхонаи миллӣ»-и Дастгоҳи иҷроияи Президенти Ҷумҳурии Тоҷикистон таҳти унвони «Инъикоси обу пирях дар асарҳои рассомони Тоҷикистон» намоиши сайёри осорхонавӣ ифтитоҳ гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Нуробод хабар доданд.
Намоиш ба истиқболи ҷашни 35-солагии Истиқлоли давлатии Ҷумҳурии Тоҷикистон баргузор шуда, як ҳафта идома меёбад.
Ҳадафи намоиш муаррифии ташаббусҳои ҷаҳонии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар самти ҳифзи захираҳои об, пиряхҳо, пешгирии тағйирёбии иқлим ва баланд бардоштани маърифати экологии ҷомеа тавассути санъати тасвирӣ арзёбӣ гардид.
Раиси ноҳияи Нуробод Фатҳуддин Солеҳзода ва муовини якуми директори Осорхонаи миллӣ Алишер Зарифӣ оид ба аҳамияти баргузории чунин чорабиниҳои фарҳангиву маърифатӣ, нақши осорхонаҳо дар тарғиби мероси миллӣ ва муаррифии ташаббусҳои байналмилалии Тоҷикистон дар соҳаи об ва иқлим суханронӣ намуданд.
Дар доираи намоиш беш аз 40 асари санъати тасвирӣ аз фонди тиллоии Осорхонаи миллӣ, ки аз ҷониби рассомони маъруфи Тоҷикистон дар солҳои гуногун офарида шудаанд, ба маърази тамошо гузошта шуданд. Дар онҳо манзараҳои кӯҳистон, пиряхҳо, рӯдҳо, кӯлҳо ва дигар мавзуъҳои марбут ба об ва муҳити зист инъикос ёфтаанд.
Тавре таъкид гардид, намоиши сайёр дар доираи чорабиниҳои фарҳангии Осорхонаи миллӣ бахшида ба 35-солагии Истиқлоли давлатии Ҷумҳурии Тоҷикистон баргузор шуда, ба таҳкими маърифати фарҳангӣ ва экологӣ, эҳтиром ба табиати нодири кишвар ва муаррифии сиёсати созандаи Ҷумҳурии Тоҷикистон дар арсаи байналмилалӣ мусоидат менамояд.
АКС: Мақомоти иҷроияи ҳокимияти давлатии ноҳияи Нуробод
НИШАСТИ МАТБУОТӢ. Дар ноҳияи Лахш 90 иншооти таъйиноти гуногун ба истифода дода шуд
РУШДИ СОҲАИ КИШОВАРЗӢ ДАР 35 СОЛИ ИСТИҚЛОЛИЯТИ ДАВЛАТӢ. Ҳаҷми умумии маҳсулоти кишоварзӣ 3,7 баробар афзоиш ёфтааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
«ОФТОБ ДАР ХУРРАМЗАМИН». Таҳти чунин унвон бахшида ба 35-солагии Истиқлолияти давлатӣ китоби нав ба нашр расид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 228 нафар хатм намуданд
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
35-СОЛАГИИ ИСТИҚЛОЛИ ДАВЛАТӢ. Дар шаҳри Душанбе беш аз 6500 иншоот бунёду навсозӣ гардидааст
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар Панҷакент 40 бинои баландошёна ба истифода дода мешавад
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Роҳбарияти Осорхонаи миллии Тоҷикистон бо ҳафриёти бостоншиносӣ дар ёдгории бостонии Сайёд шинос шуд
САНОАТ — МУҲАРРИКИ РУШДИ ИҚТИСОДӢ. Тоҷикистон 35-солагии Истиқлоли давлатиро бо эътимоди комил, суботи сиёсӣ ва сиёсати равшани саноатӣ истиқбол менамояд
