Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
ДУШАНБЕ, 03.07.2026 /АМИТ «Ховар»/. Дар ноҳияи Зафаробод агрегати нави пойгоҳи обкашии «Мирзочӯл-2» мавриди истифода қарор дода шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Зафаробод хабар медиҳад.
Бояд тазаккур дод, ки Зафаробод яке аз ноҳияҳои калони кишоварзӣ дар вилояти Суғд буда, майдонҳои кишоварзии он асосан таввассути пойгоҳҳои обкашӣ обёрӣ мегарданд. Ин аст, ки саҳми кишоварзони ноҳия дар таъмини амнияти озуқавории мамлакат назаррас мебошад.
Солҳои 2024 ва 2026 бо назардошти фарсуда гардидани агрегатҳои пойгоҳҳои обкашии ноҳия, бо дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон барои пойгоҳи обкашии «Мирзочӯл-1» ва «Мирзочӯл-2» агрегатҳои нав харидорӣ ва насб карда шуданд.
Ин агрегатҳо давоми мавсими обёрӣ бо иқтидори пурра ва бенуқсон кор карда, ба беҳтар гардидани обрасонии заминҳои хоҷагиҳои кишоварзӣ мусоидат намуда истодаанд.
Соли 2026 бо дастгирии Мақомоти иҷроияи ҳокимияти давлатӣ, Идораи давлатии беҳдошти замин ва обёрии ноҳия тасмим гирифтааст, ки агрегатҳои солҳои тӯлонӣ аз кор мондаро барқарор намуда, сифати обрасониро беҳтар намоянд.
Инчунин пойгоҳи обкашии «Ленинобод» баъд аз таъмир ба кор дароварда шуд. Ин пойгоҳ давоми солҳои охир дар ҳолати корношоямӣ қарор дошт.
Ба кор даровардани иншооти обрасонӣ бешубҳа таъминоти оби полезиро ба хоҷагиҳои деҳқонӣ беҳтар намуда, барои ба даст овардани ҳосили хуби зироати кишоварзӣ мусоидат хоҳад намуд.
Ёдовар мешавем, ки дар ноҳияи Зафаробод 12 пойгоҳи обкашӣ фаъолият дорад, ки онҳо аз 19 агрегати пуриқтидор ва 10 агрегати иқтидорашон хурд иборатанд.
АКС:Мақомоти иҷроияи ҳокимияти давлатии ноҳияи Зафаробод
Дар Вилояти Мухтори Кӯҳистони Бадахшон кормандони соҳаҳои гуногун бо мукофотҳои давлатӣ қадрдонӣ шуданд
Соли 2026 дар Федератсияи Русия барои бо ҷойи кор таъмин намудани шаҳрвандони Тоҷикистон беш аз 40 вохӯрӣ доир шуд
Доир ба саҳми барандагони Ҷоизаи Исмоили Сомонӣ дар рушди Тоҷикистони муосир конференсия баргузор шуд
Пешвои миллат: «Вилояти Хатлон дар таърихи давлатдории тоҷикон ҷойгоҳи махсус дорад»
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Дар солҳои соҳибистиқлолии Тоҷикистон андозаи нафақаҳо беш аз 20 маротиба индексатсия карда шуд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
Аз 1 сентябр маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
